由細到大我同鑽石己經下一段不解之緣~~~
原因唔係我大把錢成日買鑽戎... 只係我有個做珠寶零售既父親大人~~ 就係咁......... 出事啦! 由我懂事開始... 我已經係一個好鐘意帶金帶銀既死o靚妹! 細細鐘意帶'吊吊fing'個d銀鏈.. 大個d上中學就鐘意鎮金店米奇老鼠娘到爆既金飾... 再大個d就會留意鑽石..... 以前細個有細細粒既碎鑽戎已經開心到死! 仲以為好靚,, 好大...巴之閉! 但人越大, 先知一山還有一山高..... 人既慾望係有增無減.... 加上我有一個成日引誘我既老豆,,, 攪到我越大越不能自拔!!! 
今日, 倍個朋友去Daddy公司到揀結婚鑽戎! 臨出門口時, 大少已經同我講, 你睇啱邊隻就買啦.. 我會同你DADDY計數架啦! 
Darling, 有你呢句, 我就打晒強心針咁上去叫Daddy個同事有咩正野攞晒出黎俾我地睇!! 去到公司,, 當然有唔少野可以大開眼介啦~~ 一心諗住倍個朋友睇, 點知自己越睇越興奮! (最後係到扮晒濶太攪屎掍既我, 一隻都無買到...
haaaaaaa) 其他無胃貨識唔多講, 今次主要介紹兩粒我自己都好少接觸到既大鑽! 大家估唔估到最左個兩粒石粉別有幾多卡呢?
帶左上手有如徐子淇上身咁!!! 雖然粒石無可能擁有,, 但帶上手已經令我笑不攏嘴!!! 太好開~~ 好鬼大粒呀!!
每隻有返咁上下大既鑽石, 你都可以要求廠家替你出返一張GIA證書, 去證明你呢粒石究竟有冇霞癡.. COLOR有幾靚,, LEVEL係去到邊! 
睇返頭先呢幾粒.. 其實後排左手面最大個粒有5 卡咁大(價值約港幣百幾二百萬)... 右面個隻就兩卡(約港幣廿幾萬)... 前面兩粒細既都係得50份.. 分別係咪好大呢!!! 如果你帶開50份, 你會覺得50都OK啦, 都唔係太細姐... 但一當你向上爬, 爬高D, 再高D... 去到一卡既話,, 你就返唔到轉頭接受返50份個粒架啦!! (我依家就有咁既慘況出現!! 但又無錢再買大粒D.... 好可憐!!!) 
睇鑽石靚唔靚, 至少有以下呢D工具!
燈, 黑色絨托盤, 放大鏡, 鉗 etc...
平時一粒未鑲鉗既鑽石, 用手攞,, 容易捉唔實而且睇唔清... 所以要靠呢個四爪鉗鉗住... 就好似咁啦(下圖)
鉗實左, 可以好穩陣咁攞住黎睇啦!
呢個放大鏡唔係普通放大鏡, 係用黎睇一粒鑽石既切割面.. 所謂八心八箭係D乜...follow me!
呢張就係頭先5卡個粒鑽石既切割面... 好分明既八心八箭... 淸晰可見!! 一粒靚既鑽石除左睇佢淨白度, 有冇花.. 切割面都好重要,,切割面代面工架, 切得越分明, 工架咪越仔細囉! 所以有D鋪頭都標榜佢地既鑽飾係八心八箭... 
呢張係兩卡既切割面, 相比5卡個粒, 八心八箭開始無咁清晰.... 但都算唔錯...
再黎睇下50份個d.... 個八心八箭已經係花到阿媽都唔認得!! 大家睇唔睇到個分別呀?
師父鑲石工作枱~~今日雖然無咩收獲,, 但可以見識到一粒咁大粒既鑽石... 我都覺得無百行一趙! 唔知我有生之年有冇機會擁有一隻五卡過百萬既鑽戎呢?? (時候真係唔早!! 我係時候訓覺發返個靚夢先!!HEEEEEEEEEE)
沒有留言:
張貼留言