感謝各位!

終於平安到步而且仲同大少好開心咁過左個weekend!!!!

首先, 我要係到講聲.... 感謝主!!!!! 主真係好卷顧我呀.... 我今次呢程機,, 完全無驚慌, 不安既感覺~~~~  主呀,, 真係好多謝你路上一切既供應及照料.... 令我好平安而且比我想像中得到更多呀!!

感謝主! 

另外,, 要多謝我Daddy送我去機場.... 幫我係路途中搬起重達37KG既喼... 辛苦晒~~~ I love you , Daddy!

再黎, 多謝一直為我祈禱以及祝福我既Blog友門 & 朋友們... 多謝你地既祝福.... 令我覺得好窩心呢!

臨上飛機既一刻.... DADDY... 你要自己照顧自己啦!

一個喼check in, 一個背囊&燉盅hand carry! (我原本既計劃!)

但我既惡夢就係check-in時開始!!!

首先講下航空條例.... 每位坐經濟客位既乘客不得携帶超過25KG既行李以上, 否則會被罰錢, 按每KG計算...

就算你有大把錢, 每件行李都唔可以超過32KG.. 呢個係保障係航空公司做運行李既工作人員, 以免佢地攞超重貨物會受傷! 所以就算你有100KG野既要check-in, 你都要分幾十個under 32kg既喼去裝,,否則無人會幫你將行李送上機!!

anyway,, 最後, 我既喼重達37.1KG...要罰錢之餘, 仲要係喼到抽返5KG既野出黎先上得機!  係好多人出境既日子,, 我同老豆兩個係眾目睽睽之下, 打開個喼,, 係咁執, 係咁執!!!  好樣衰地D 姨媽巾仲要之前拆散左, 周圍係咁'SIP' D.... 一開喼... D野好以打仗咁跌晒出黎.... 總之就樣衰到爆!!!!!

後尾將喼入面所有書(total有成六七本, 仲要本本都厚到阿媽都唔認得!) , 火牛, 蝦米, 蠔屎, 護膚品呀等等等既重物全部孭晒上身!   我個背囊原本都唔輕, 有個大腳架, 又有部電腦,, 依家個背囊仲重過一個兩歲大既小朋友! 但大家唔好忘記我重有個燉盅... 另外個背囊唔夠放, Cathay再俾左個環保袋我裝野,, 我原本有兩手fing fing,,得個燉盅係用手攞... 諗住仲有機會入duty free行幾個轉,, 咁樣攪攪下, 攪到我無晒手係Free...而且仲要無晒多餘時間再去行街街.... 

執到最後, 再磅過, 個喼修身成功,,, 得返31KG.... 雖然都係超磅, 但係個地勤人員好好... 佢只係叫我下次唔好再攞咁多野,,, 今次就無罰我錢啦~~~~

不過, 依個係一個好好既經驗,, 我以後會知道點樣執喼先啱!

之後一直都有神既卷顧,, 好好彩坐係我身邊既全部都係香港人(平時好多都係中東佬, 菲律賓人 or 大陸人), 佢地五六十歲同老婆朋友一團人去杜拜打GOLF... 我一上到機想將個背囊放上行李櫃時, 我唔夠力, 多得佢地熱心幫忙... 跟住大家都有傾有講...  時間過得特別快~~~

另外再要一次感謝主..... 呢次飛機上播既電影係我坐過咁多次唯一一次有幾套都啱我睇, 就係咁,, 我係唔長唔短既八小時行程上睇左三齣電影...

1. 尋找快樂的故事 (Will Smith做個套... 超好睇, 好勵志, 睇到我眼濕濕添!)

2. Dream Girl (一般,  如果鐘意聽黑人唱歌個種腔應該會鐘意)

3. 英女皇 ( 都係一般, 悶你唔死又無乜高潮位囉!)

總之, 今次呢程機真係要感謝主&各位!  雖然隔左咁耐先寫返出黎, 但我覺得呢篇感謝說話唔可以忽略! 

祝大家Happy Easter HOliday!!!