二人世界 - 血拼篇~

大少見我呢幾日都心情麻麻(俾某君激親) , 所以應承左今日會倍足我全日,,, 帶我周圍去血拼.... 呢D機會我緊係唔會放過啦!  

去完北京樓入茶, 大少車左我去Mark & Spencer 到行街街,,, 一入到去, 好似清倉大減價咁... 貨物剩返唔多,, d擺設又俾人攪到亂晒..最離譜係聖誔既飾物仲放係到賣緊?! 攪咩呀?? 係咪執笠啦???呢到D人做事真係得過且過... 邊似香港人咁賣力!!

M&S 既chocolate chip cookies 係我既至愛... 食幾塊當茶點已經夠飽!

俾我搵到對筍野... 其實都唔係筍.. 只係撞啱我最愛既金色 + Ballet 鞋頭 + 有防滑膠底 ....都只係賣港紙約300唔洗 (其實唔知香港M&S有冇呢隻款賣,,會唔會仲平過呢到呢? 如果係, 請大家不要將此事實告訴我!! ) 講返正題, 點解我咁興奮, 因為比起我long time ago係Pedder見到類似既金色平底鞋要成HK$790,, 我真係覺得呢一對係物超所值!!! 雖然得返一對... 照殺!!!  

仲有仲有,, 埋黎睇,, 埋黎揀.... 清貨大減價..... 唔買就笨呀 (一貫無知少婦既心態)!!

至愛白色中袖小外套... 個款唔算真係好靚.. 但勝在夠............

平!! 一減再減,, 再減多減.... 40Dhs = HK84咋.. 質地軟熟.. 夏天可以當冷氣褸, 秋/春天又可以著件小背心係入面, 方便易襯!!!

去完M&S.. 又係時候去家樂福入貨啦.... 去到一間大MALL.... 諗起又要買朱古力攞返HK做手信&之前答應左媽媽話會左個袋俾佢做新年+ 生日禮物...今日終於有時間同大少一齊去睇...

最後亦都揀到... 希望媽媽會鐘意啦! 

  

咁大盒... teetee問係乜東東喎??  其實都唔係好忍心拆左人地包得咁靚既禮盒..但由於實在太大個啦----個盒,, 我要拆開佢,, 如果唔係hand carry都攞死我!

諗起橫掂都要拆, 就同大家一齊拆啦..登登登登.....

 LV Damier 系列既 Duomo

個Sale 姐姐話係新款.. 我覺得個款都應該啱媽媽年紀掛.... 我自己本身無Damier款既袋.. 平時多數買monogram...今次送完呢個俾媽媽.. 將來可能有機會交換用添..(haaaa... 有私心) 其實唔係, 只係媽媽講過以前都有太多monogram款既袋, 唔想再買舊款... 所以先揀Damier (其實我好乖... 我無私心架!)

LV 個Sale 知我可能會拆盒再返包... 所以好細心咁送多張貼紙俾我... 另外有張咭仔附上! (寫乜好呢??)

個袋就細細個, 但個盒就鬼死咁大個... 放埋teetee入去都得呀!

最後.. 要多謝大少呢個乖乖未來女婿 ... 因為大少知我答應送個袋俾媽媽後,, 自告奮勇咁話要出錢買俾媽媽...  Darling, 見到你咁錫我,, 又咁錫我家人... 我知你心意架.. I Love You!