願各位身體健康...

今朝大少一早六點起身同老闆去打golf...一日三餐自己食自己... 下午大少打完波返屋企換件西裝又要出去開會...

大少天生細細個已經有一種"病"(唔知算唔算係病)?  佢由細細個開始已經成日頭痛... 睇過醫生, 話佢本身大腦D血管痴得太埋, 容易受壓,, 引至頭痛... 無得醫治! 只有靠我每天既禱告, 求主憐忟佢,, 幫佢減低頭痛既次數.....

今日, 佢打完波返黎又頭痛.. 眼見佢成日都咁辛苦,, 我個心痛到說不出話來,, 如果可以, 希望自己可以分擔佢既痛楚,, 唔好要佢自己一個人去承受....

幸福唔係必然,, 每個人都唔希望不幸既事發生係自己身上.... 更加唔願意見到至親或至愛受苦!

今日, 瀏灠Coco既blog..知道佢先生受癌細胞入侵,, 突然整個人都心情下跌... 一句"珍惜眼前人 & 幸福唔係必然" 又浮現係我腦海中... 睇左佢幾篇網誌,, 知道佢丈夫開始好轉,, 個心好替佢地高興... 見到佢有一篇介紹抗癌既網誌, 所以借來引用同大家一齊分享...

祝大家身體健康!

西蘭花

含大量植物化學元素（Phytochemical），千百年來，蔬菜本身就是以此刺激的味道來保護自己，驅走昆蟲。 對人類亦有排毒效果。 它又有硫蘿蔔素（Sulporaphane），能推動身體產生抗癌的蛋白，可從細胞清除致癌物

三文魚

愛斯基摩人不斷吃脂肪，但患病比率奇低，原因是魚油內的脂肪是 Omega 3脂肪酸，含有DHA，能鞏固細胞膜，增強身體免疫力，有防禦癌細胞襲擊之功能。 但Omega 3吸收過多，會引內出血、流血不止，甚至中風。 三文魚、吞拿魚、龍利都含豐富的Omega 3脂肪酸，英 國營養師協會建議人每週吃三次魚及海產。

番茄

哈佛大學在九五年做過實驗，四萬八千個男人裡，每星期食十分（約二十個）番茄那一組，患前列腺癌的機會減半。 番茄內的番茄紅素（lycopene），是抗氧化物，可中和自由基，有助對抗乳癌、胃癌和消化系統癌病

豆腐

對應付乳癌和前列腺癌最有效。 雌激素是形成生殖器官患癌的主要兇手。女性因為早來月經，延遲生孩子，提早更年期，或者肥胖，會增加患乳癌機會。 豆類食品減弱雌激素的能力，減少細胞分裂，豆漿也有相同功效。

高纖食物

所有生果、瓜類、豆角、椰菜、豆類如紅豆、綠豆、眉豆、高纖維麵包、麥片、早餐的粟米片、糙米、紅米，都含高纖維。 高纖食物加快大腸活動，減少食物留在大腸的時間。 消化時形成的有毒物質，可盡快排出，不會由腸壁再吸收入體內。

蒜頭

以色列學者發現，蒜頭內的化學成分，幫助蒜頭應付泥土內的寄生蟲和細菌，同時也可替人類趕去病毒、細菌、真菌。 切開蒜頭等十分鐘，裡頭的化學物質最能發揮，但不能等過久，否則失效。

綠茶

中文大學生化系正研究，綠茶內的茶多酚是上佳抗氧化物，會降血壓、 降膽固醇和對付血癌細胞，如龍井、水仙。 綠茶比紅茶好，因綠茶未經發酵，更多有益元素得以保存。

顏色蔬果

木瓜、茄子、椰菜、藍草莓、士多啤梨、橙都要多吃。 中大梁國南教授說，食多類植物，最能吸取多元化抗氧化物。