香港老闆終於過左黎, 安頓左係我隔離屋 
! 第一晚已經捉左大少過去傾計傾到半夜點幾先放人! 真係想走過去問佢係咪有病, 咁夜仲唔訓覺... 聽日係咪唔洗做(佢緊係可以唔洗做, 我意思係咪唔洗大少做!)!
但當大少返黎屋企時, 連同老闆幫我攞過黎既野, 我就完全忘記左要為大少抱不平, 只係自己顧住拆禮物!
由於想買wii, 但大少極力阻止我叫老闆搬過黎, 我心心不憤, 只好托個朋友幫我買部NDS 頂住檔先啦,, 等我係到唔洗咁悶... (尋日我地同老闆食飯, 佢仲問, 依家最流行wii, 你唔買個部? 我好坦白咁同佢講, 因為驚太重唔好意思叫你攞過黎, 所以咪無買囉! 你咁問得, 我下次識做
)
係到要多謝呢位好朋友 - SAM 幫我係香港買左部NDS 
,, 而且仲好好咁幫我入晒D啱我玩既Games, 另外仲附上好多隻其他Games既CD & 一本天書 (actually, 你幫我整咁多, 我諗我都係好懶咁只會玩你幫我入左落memory card個到D games, 我唔會自己再download 其他新games..heeeeeeeeeee)
但最surprise 係, 原來你靜靜雞夾埋份禮物俾我,, 我一早知你準備左呢份禮物俾我做生日, 但你次次都話要見面先肯俾我,, 估唔到, 你今次會托佢攞埋過黎喎!!! 多謝你呀 ~~~ 雖然遲左成個月, 但都好開心...
呢隻色係我最鐘意既粉紅 & 金.... 好靚 ~~~ 多謝samsam (趁機同大家介紹下, 我呢個朋友仔幾靚仔架, 有前途有學識... 家底仲唔錯架,, main point係佢仲未有女朋友,, 有冇人有興趣/有好女人介紹呀!!! haaaaaaaaaaaaaaaaa 
)
鐘意還鐘意, 但我依然都係覺得一條咁既電話繩賣咁貴, 真係唔抵!
條電話繩咁靚,, 襯呢個咁舊既GX22, 好似難為左佢
但襯呢部牛龜PDA phone 又好似唔啱掛頸
新玩意!! NDS Lite... 係我特定要求既白色....... 
入面有好多games...都未試晒,, 最鐘意同大少一齊玩呢隻 " Big Brain Academy",, 可以train下個腦, 無咁易生綉呀!
沒有留言:
張貼留言