Burj Al Arab Hotel (帆船酒店) - 第二篇

第二次再去帆船酒店, 係同一班同事一齊去27樓既Al Muntaha  食Brunch Buffet...

Al Muntaha  只有逢星期五先有Brunch Buffet, 時間由10:30am - 3:00pm... (好抵食!!!) 佢係位於帆船酒店既最高層 -  27樓

價錢約3XX DHS (約港紙7XX蚊一位)

(photo copied from yahoo)

我個人認為呢間餐廳價錢雖然都係唔平, 但較為值得一去, 因為佢係位於帆船酒店最高層, 而且位置係處於酒店設計'突'出部份 (見上圖紅圈位置) , 所以當你企係餐廳入面, 行近落地玻璃時, 感覺就好似個人凌空企係個天到... 係個到影相, 比起之前我介紹個間Al Iwan , 壯觀好多,, 你除左可以高處望到大海景外, 仲可以見到杜拜好出名興建中既 Palm Island & 望晒附近既景色...

而且呢間餐廳提供既食物種類多好多&好好味.. 可能係Brunch既關係... 有我至愛既麪包(好多種類)... 亦有好多款既desserts... 龍蝦, 凍蝦, 凍蟹呢d更加唔少得啦.... 最值得介紹既係任食魚子醬&鵝肝 (各同事紛紛不斷狂食魚子醬,  龍蝦 & 凍蟹, 而且每人必食一份鵝肝,,, 咁樣先抵返!)

但我都係以我一慣作風, 狂試唔同既麪包, 飲左四五碗超好味既濃湯,, 兩碟魚子醬, 一碟鵝肝 & 大大小小不同既cakes (食完飽到夜晚都唔洗食!) 

呢個Brunch 由10:30AM開始, 大家就一直好努力咁食到3:00PM先走.... HAAAAA

因為我鐘情於desserts,, 所以多數都係影甜品,, 但大家可以留意下個魚子醬&鵝肝... 都好正架!! (好想食多幾塊鵝肝,, 但怕肥又怕膽固醇過高... 大家都唔敢食太多)

帆船酒店話晒都係杜拜既代表,, 雖然無乜特別野影, 但入到去, 點都要影返幾張...

大家可以留意下較暗既相係係27樓間餐廳影, 落地大斜玻璃, 有畏高既朋友要小心呀!!! 

另外大家見到有間三角形既酒店, 佢就係Jumeirah Beach Hotel, exactly處於帆船酒店對面...其實佢同帆船係同一個集團, 係未有帆船酒店之前, 呢間就係杜拜最出名最高級既酒店...

佢出名之處除左因為佢有個超大露台俾住客係房到晒太陽外.. 就係正如佢個名Jumeirah Beach, 佢擁有一個私人大沙灘, 何謂私人沙灘? 除左無閒雜人外, 灘沙提供太陽床, 大陽傘 & 毛巾俾住客享用, 住客除左可以游水, 晒太陽, 仲可以係沙灘到享受專業massage... 最棧鬼係有工作人員時不時派雪條到你面前俾你消暑添! (係咪好爽呢...  )

係呢間Jumeirah Beach Hotel 隔離有一個名叫Wild Wadi 水上樂園, 係杜拜都算出名(應該話好多旅行團都會帶遊客入去呢到玩), 入場費成人150Dhs 一位(約港紙315) , 但如果你入住Jumeirah Beach Hotel就可以費免通往Wild Wadi玩啦!!!  (橫掂講開, 我下次再介紹埋Wild Wadi啦 ~~)

其實如果無機會住帆船酒店, 我都想去下Jumeirah Beach, 除左因為我鐘曬太陽外,,, 住Jumeirah Beach望返過黎帆船酒店, 可能仲靚添!!!

有興趣睇清楚o的d相, Click 呢到啦!