13 Feb 2007
按照我尋日set 既 Schedule,, 今日會好忙! 要開始執行李... 但我訓到十二點先起身,, 大少早左返黎,, 我都仲唔識醒... 你話我係咪懶到出晒汁... 我尋日發左個惡夢, 唔知係咪打機打得多,, 近排玩孖寶兄弟,, 攪到發夢都俾怪獸追殺...起身話俾大少知, 佢仲笑我問我有冇跳起踩偏個D怪物! 我份人就係咁白痴, 無論睇戲睇電視玩遊戲都係咁易受影響... 以前九一一事件, 令我成日都發惡夢有大炸彈射仲自己公司... 睇Prison Break又發夢俾人追殺... 連玩Game都乃野.. 我係咪應該乜都唔好做呢?
今日lunch我地去左屋企對面一間印度餐廳食飯... 之前都去過, 味道唔錯,環境落後,,, 但最近裝修完, 所以入去再食多次... 嘩!!! 果然落重本裝修, 成個感覺高級左幾班... 連D刀叉碗碟都換過晒.. 簡直令我驚嚇一跳.. 我今日食得好開心... 原來除左食物外, 環境真係好影響心情....
大家睇下係咪都幾唔錯呢!
其實做人好簡單,, 辛辛苦苦工作工作再工作,, 都係想混一口飯... 但如果可以享受一頓美味食物, 同自己家人/愛人/朋友好好享受一番... 已經係人生一大快事! 同意嗎?
情人節快樂
回覆刪除咁到你返去起不是要用兩個喼??? 港島東代表 ....北角?小西灣? 我係來自鄉下區嘅屯門代表呀
回覆刪除個喼好sharp呀. 你又真係幾多化粧護膚品喎. 你有冇食過甜nan 呀, 好好味架. 有蜜糖, 椰絲, 提子乾同菠蘿做餡, 好味!!!!!!!!!!!!
回覆刪除Diana ~~ 你這一餐好豐富呢 我好喜歡印度餐呢 見到你這一餐 真係勁想食 尤其我好鍾意食 naan ~~ 最鍾意 naan cheese
回覆刪除睇到都知好味, mr. potato 成日話要揸車黎你個頭, 不如你又俾間restro個address我, 我同佢星期五黎, 還佢心願...haha
回覆刪除橙皮超人 : 多謝晒.. aaliyah : 我諗一個喼再加D handcarry...我住太古城/鰂魚涌個到頭... 睇黎我地相隔好遠喎!!! 大洗慳妹 : 我好似無食過甜nan.... 有機會都試下先... 流浪影子 : 係呀, 呢一餐食得好開心! 因為環境加食物質數, 簡直100分! 如果你鐘意食nan, 我諗你都會鐘意食麪包, 係咪呀??
回覆刪除尤妮斯 : 我今晚叫大少係車到攞返本地圖返黎, 我影低話你知係邊呀, 因為大少話講都未必識車入黎,, 因為間餐廳係正我屋企斜對面... 唔係大馬路到架!! 我今晚send 俾你呀!
回覆刪除我估到喇....你住鯉景灣 係唔係呢...
回覆刪除好味喎
回覆刪除oh, looks very yummy. i love Indian food too. what is the restaurant's name?
回覆刪除你好，我想問下你間野。 叫咩名和地址，因想去試下。
回覆刪除