講返前日2月2日去左睇Cirque Du Soleil - Quidam呢個Show... 原來Quidam 係今次個Show既主題, 佢個集團名叫Cirque Du Soleil...
Cirque Du Soleil 過往已經舉辦過好多唔同主題既show, 分別會去唔同國家巡迴表演.. 係2005年好似係香港有演表過...但我諗大部份表演既內容都差不多, 只係音樂主題既差別!
其實Cirque Du Soleil 可以話係一個雜技表演團.. 都係有耍雜技, 空中飛人, 小丑咁既項目等.. 雖然佢同一般馬戲團差不多... 但最大大既分別就係佢地會有一隊Live Band 係後面不斷唱出悅耳音樂... 另外就係佢地所做既表演都係好賣力(我意思係無任何安全網,, 威亞個D) 所以完完全全睇到佢地既真功夫... (亦都無動物表演,, 係高層次少少既雜技團
)我初初入到帳幕時, 感覺覺得點解個場好似好細咁既,,, 都唔GRAND, 仲收人咁貴... 唔方好睇! 
但到睇完之後先發覺, 細都有細好處, 因為起碼坐最遠既觀眾都可以好近距離咁欣賞表演, 咁樣先可以夠投入! 我自己就坐好前,, 睇得好清楚! 好正呀 ~~~
我估每一個主題都係帶住一個故事, 跟住成個表演都係同個故事有相連.... 雖然我唔係好明個故事想表達D乜.. 因為佢地唱歌既話唔知係咩語言, 西班牙文? 法文? (大少話可能係講緊一個細路女缺乏家人關心, 自己亂諗野, 諗左一連串既野出黎.. 而個D就係表演內容...最後, 個一家人知道要互相關心, 跟住好開心咁生活落去.. 其實同一般電影橋段差不多, 只係佢無對白, 自己靠自己發揮個人思想) 總之,, 初初係有個主角係到唱歌,, 跟住好快就陸陸續續不斷有人出黎表演.... 睇到我拍爛手掌.... 
我個人認為
當我一邊睇一邊心諗, 嘩, 真係好正!!! 平時係香港睇個D歌星concert, 都要四百蚊一張飛啦,, 話就話佢地都用左好多個月去練歌練舞.... 但係, 我依家睇緊個D... 我相信人地唔止剩係練習幾個月咁簡單.. 分分鐘用左筆生既時間去練習, 受左好多痛苦, 好多艱辛既經歷, 先有如此精彩既表演,,, 如果係咁... 八百蚊一張飛... 同深愛既人去睇, 留返一段精彩既回憶.. 對我黎講, 我覺得都唔算好貴姐!!!
因為場內嚴禁攝影/拍照... 雖然我都有嘗試想偷影, 但由於場內工作人員捉得好緊, 而且又黑, 我好難先影到一張清晰既相... 所以最後都放棄留心欣賞算啦...
請唔好嫌棄我用自己記憶力去畫返個晚某D表演,, haaaaa 畫得好樣衰!!! 得啖笑!
場內影唔到相俾大家睇, 場外有個紀念品專區,, 我就不斷係咁影影影... 呢到有好多唔同款既mask賣.. 個個手工都好精緻... 但價錢當然都唔平啦... 我原本都好想買一個紀念品返去,, 但係實在一係貴到買唔落手, 一係就無用處到買唔落手... 最後, 乜都無買!
就講呢個Mask...都要779Dhs (成千六千七蚊港紙...) 帶左係咪識飛呀?
最後表演完畢, 完場拍爛手掌,, 我好鬼崇咁錄低左當時既氣份俾大家感受下... 雖然錄得有D狼狽, 但有興趣都可以睇睇.....
我同大少講, 如果下次撞啱又有得做,,, 我會再去睇多次.... 
沒有留言:
張貼留言