copy from my MSN Space - 9 Nov 2006
Dubai Life (2nd weeks)
我仲未上到網呀!!! 呢到D人做野好慢呀..... 香港人真係好幸福, 有咩唔高興就投訴, 有咩唔妥又投訴... 但係到, 投訴係無用..... 唉!!
係到第二個weeks... 開始覺得.... 慢慢習慣....
- 初初黎到, 係Supermarket見到d所謂菜, 梅到死, 我掂都唔掂,,, 你都知平時香港人追求 ' 新鮮, 新鮮',, 但到今日, 我見到d唔算太梅既菜, 我已經覺得好好彩, 唔會嫌棄,,, 但其實都係好"梅"...
- 初初黎到, 見到呢到d人好鐘意望住你,, 尤其你坐左上車, 佢地就會係咁不停望實你, 初時以為佢地係咪想打劫呀? 不懷好意咁,,, 都唔知想點,,,,, 但後期我都習慣,, 我依家只會當佢地透明, 理得佢死!
- 初初黎到, 耐唔耐都去到某個時候就會聽到d歌.. 好似佛經個d, 但又唔係,, 唔知佢唱乜, 但就播得好大聲, 去到邊都好似聽到咁, 初時仲以為咩事, 打到黎呀?! 仲乜播埋呢d野... 後尾先知原來係呢到d廟播架, 可能到時候祈禱掛... 但好攪笑, 佢又唔係日日同一個時間播,.. 好似有時晏就十二點預佢會播, 佢又無播,以為個日唔播啦, 點知無啦啦三點幾又播喎... 真係古惑的歌!
- 另外就係係呢到揸車, 如果一揸得慢(但已經開到百一咪) 或者由紅燈轉綠燈時, 你既反應稍為慢0.01秒, 即刻就會有人砵你,,, 初時以為自己架車係咪行錯線, 定係咪影響到人, whatever... 無啦啦俾人砵, 好驚架麻..... 但依家都慣左, 呢到d人係個個都' 嫌命長'.... 所以依家人地砵我地, 都懶得理佢,,, 佢要死唔阻佢..
*******************************************************************************
after 4 months... 再回顧當時才發覺...
- 原來呢到都有靚菜, 不過要去街市買,, 我去過dubai一個大型街市, 的確買到好多新鮮靚菜,, 不過一般係supermarket 個d...真係比較差! 但已完完全全習慣!
- 到左依家, d人依然好鐘意望住你... 有時, 我都瞪大對眼'啤'返佢, 睇下佢究竟望乜... 好多時當你望返佢時, 佢會 "逃避你的眼光, 還是要一再偷看"(請唱出來...) 但最後都係無意思... 可能佢覺得中國人面孔奇怪掛? (定我個樣怪呢? )
- 呢樣野我習慣得好快,, 到依家我已經好似唔多覺再有呢d煩音(我對耳有防煩音功能!)
- 我同大少都認為,, 只要自己揸得小心,, 唔好人快你又快... 話知佢地呠到你架車彈起... 安全第一!
有時覺得呢到除左無乜娛樂&家人朋友外... 生活都幾休閒,, 無香港咁... 趕趕趕, 快快快..... 某日如果有左bb, 黎呢到安胎都唔錯...heeeeee (講下笑咋! )
沒有留言:
張貼留言