^_^ ----- @~@ (開心 ... 唔開心)

今日粒菲滋好返好多啦 

..... 經過我日日不斷漱口水漱口, 飲鹽水, 食川貝批杷露, 一個月前睇既消炎藥 & 含豐富維他命B 既食物夾攻後,,, 粒菲滋終於肯埋口啦.... 雖然唔可以話完完全全無事.. 但尋晚係我呢排訓得最好既一晚... 起碼無痛醒先.... 今朝起身吞口水都唔覺好痛lu.... 真係開心!

今日下午

心情靚靚, 就炒左個米粉俾大少食... 連佢都FEEL到我精靈返.. 大少話: 咁就好啦, 終於有返笑容啦... 見到你識笑, 我就放心晒!       係呀,, 多得你成日沖鹽水俾我飲咋!

聽日香港個大老闆會過黎呢邊, 因工事在身要係呢到住一個月... 之前為左呢件事, 大少要替老闆搵間屋住,, 佢就話搵返呢幢樓... 睇下有冇吉屋??   當時我已經表態話

"我唔想".. 因為我覺得老闆會成日捉住大少傾野,, 又可能會捉埋我一齊出去食飯/黎我地到食飯 (因為佢都係我以前既老闆, 所以識我..) 但點都好... 我唔係好想應酬佢.... 但好好彩, 大少話問過呢幢大廈已經FULLY BOOK, 想住都無得住.....  Yeah!!! 我心諗, 仲好...出去BOOK酒店住啦,, 唔洗煩!

到左今日,, 老闆一早又打黎問, 搵屋搵成點 ?? 大少話 : 下個月呢到攪Exhibition...好多都full晒, book唔到(不如住住宿舍先?) 但老闆堅持要自己搵間屋住... 大少唯有再叫人幫佢搵啦...  (我心諗, 話知你住邊, 唔好住我附近就得啦!)

點知到今日下午大少早左返黎食lunch...我仲好開心咁問佢 :  咦, 今日咁早既? 

大少: 係呀, 啱啱幫xxx 租左間屋啦,, 唉,, 之前問又話無, 今日問又突然話有一間FREE喎,, 咪啦啦聲走過黎租左佢囉..

我 : 下... 咁即係租左邊到呀?

大少 : 101囉..

我 :  我地呢一幢既101呀?

大少 : 係呀?

我 : (我開始暈暈地...) 咁我地係幾多號呀?

大少 : 我地104呀...

我 : @~@ 同一幢, 同一層?  佢住我地隔離呀?

大少 : (大少見到我個不安樣, 係到笑住話..) 係呀... 無法啦, 都搵唔到...

我 : (唔出聲揸住把刀繼續切野... 差d想殺人...)

我唔制呀..... 唉, 點解要咁對我.. 大少話唔洗理佢啦, 佢唔會影響到你架喎!  我夠知唔洗理佢啦,, 但佢會成日捉住你傾計或者過黎我地到傾計,, 到時出入見到又麻煩,, 又成日叫你倍佢打Golf.... 咁算唔算會影響到我呀?