前幾篇係咁介紹帆船酒店既美食... 睇到大家口水係咁流.... 但係, 高級酒店既食物雖然好食,, 但相對價錢昂貴,, 更何況做人無可能日日都大魚大肉,, 咁樣對身體同荷包都係唔健康! 所以, 我都係覺得屋企住家飯最好食....
但係依家呢個年代... 好多人都因為工作, 環境, 時間各樣問題, 好多時都求求其其出街食填飽個肚就算, 邊有咁多時間仲去買餸煮飯! 好彩既, 屋企仲有好媽媽煮飯食, 又或者住係阿媽屋企附近, 行兩步就有住家飯食; 唔好彩既咪自己日日隨便係大X樂, 大X活到買個飯盒就算... 
以前既我, 係香港既生活都係咁,,, 雖然我唔係日日要OT做到八九點先走得,, 但因為經常性一個人住,, 有時候就會求其買D野食就算... 好少會買餸返屋企煮... 更加唔識得煲湯俾自己飲! 所以, 我好羨慕人地屋企有媽咪煮飯, 有靚湯飲架!
我諗好多人都知我係過左黎杜拜呢邊先算學識左煮飯,, 起碼依家大少一日三餐都已經唔再係煩惱 (初初黎到成日要諗定第二日要煮咩, 要上網搵定recipe) 但以我現在既功力, 仲未可以稱得上為呢個廚房CEO (肥媽教架!)... 所以我好鐘意上網周圍睇唔同既食譜,, 或者睇d blog友既recipe,, 從中, 我都學到好多唔同既野... 
依家好多人都已經十分注重健康, 咩都要少糖, 少鹽, 少油...所以出街食得多都係無益... 我諗, 我要再努力D學好我既廚藝, 咁樣大少又會食得開心, 食得健康... 對自己, 對家人都有得益! 
(講到好似好偉大咁
)
你地鐘意自己煮定係出街食多D呀?
前幾日終於買左個飯煲返屋企啦,,, 唔洗再自己睇火煲飯.. 又唔會成日煲到D飯痴晒底!!!! 發明飯煲者萬歲!!
有左個新飯煲, 第一件事唔係煲飯, 而係打便爐! (其實都係為左打便爐而買個飯煲.....)
介紹下尋晚我煮既菜式!
麻婆豆腐, 瑤柱冬菇皮蛋粉絲蒸蛋(讀完差D斷氣!!
) , 蒜片炒菜(唔知咩菜..)
我到依家都唔知邊條魚打邊條魚, 好多菜都未分到叫咩名, 我好佩服d廚房CEO好勁,, 乜野種類既魚都識!! 
呢個係大少教我蒸架, 好好味,, 有我最愛既粉絲.... 唔洗食飯, 就咁食都好飽肚!!
又係我自創既蕃茄魚柳意粉... (Lunch!)
沒有留言:
張貼留言