終於到左情人節
啦.... 最近, 大家都不斷談或許, 情人節對你黎講係一個好重要既節日, 係表露你對你另一伴既心意的好時機....
又或許, 情人節對你黎講同平日都係一樣.... 因為每一日對你地黎講, 已經好似情人節咁浪漫....
無論點都好... 2007年既情人節將會變成將來既歷史,, 今日既你, 過得開心嗎? 浪漫嗎? 大家一齊記敍下今日過得如何... 一齊分享下大家既喜悅啦!! 
*********************************************************************************************************************************
今朝我一早起身, 為大少煮左一份佢最鐘意食既熱香餅作為早餐... 可惜大少一早起身已經嗌頭痛... 睇怕佢今日狀態都唔會太好.... 
十一點, 我開始想預備整波蘿包加蕃茄湯俾大少當lunch 食... 點知, 當我差不多預備好晒所有工具用料時, 打開包高根粉, 先發現入面有好多小蟲蟲... 包粉係新架,, 我諗買個時已經係有蟲係入面... 嚇到我成包粉掉都掉唔切! 所剩時間無多, 要落街再買過包都唔夠時間... 只好再諗下整D乜野平時無乜整過既野俾大少食好呢?
最後, 好大膽咁選擇做蛋撻! 
自從學完係香港屋企做過一次後, 都無再整過... 大少成日都想食蛋撻,, 但我無乜把握做得好食,, 所以一直都逃避唔做... 今日係情人節.. 想俾d Surprise 佢.. 只好硬著頭皮試做啦...
由於過程&成果都不太理想, 所以我都無打算將Recipe公開... 
由波蘿包變蛋撻... 只好再轉plan B.. 唔可以再煮蕃茄湯當lunch,, 只好用家中剩餘物資炒左個"五香肉丁海鮮炒河"俾大少食, 對於炒飯, 炒麪, 炒米一向對我都無難度... 只希望係呢碟炒河到攞返少少分數, 令大少覺得我係有心為佢準備呢個lunch!
屋企百無... 想加少少蔥係面做裝飾都唔得....
因為食完個炒河都飽到死... 焗完個撻又唔係即刻食.. 最後攪到個蛋漿太實.... 口感唔好! 不過我大少好好, 無論我整D野有幾唔好食, 佢都唔會直接話唔好食, 而且仲會好俾面食晒.... 難為你啦,, Honey! 除左蛋撻, 亦附送一份小小心意的禮物.....
呢本係我親手製造既相薄, 入面記載左我地既照片&我心底話... 仲有一張情人節咭...
希望大少會鐘意我既心意啦... 
大少晏就開完會突然買左扎花返黎送俾我.... heeeeeeeeeee 多謝Darling!
沒有留言:
張貼留言