理智與感情?!

「發現號」女太空人被加控一級企圖謀殺罪 (星島) 02月 07日 星期三 01:40PM

情傾穿梭機機師的「發現號」女太空人諾瓦克，涉嫌襲擊及企圖綁架情敵被捕後，被加控一級企圖謀殺罪，但獲准以2萬5500美元保釋。這項控罪一旦成立，最高刑罰是終身監禁。

除了面對企圖謀殺罪外，太空總署亦向她作出處分，勒令她停職一個月，並解除其穿梭機飛行任務。43歲的諾瓦克最近和丈夫分居，本身有3名子女，但她戀上「發現號」的41歲機師奧費萊恩。當她發現奧費萊恩同時和空軍女上尉希普曼交往後，便處心積慮襲擊及企圖綁架希普曼。在周一凌晨，諾瓦克在佛羅里達奧蘭多國際機場守候希普曼，並跟蹤對方到停車場，然後向她噴胡椒噴霧。希普曼最後掙脫報警求助，接報到場的警方在現場附近拘捕諾瓦克。諾瓦克最初被控以襲擊、企圖綁架及汽車盜竊等多項罪名，後來遭當局加控可判終身監禁的一級企圖謀殺罪，因為警方在諾瓦克的座駕內發現利刀、胡椒噴霧、氣槍、鐵鎚、黑手套及膠喉管等武器。

*********************************************************************

今日一上網, 就係設定做首頁既yahoo網站到見到呢網新聞..... 「發現號」女太空人被加控一級企圖謀殺罪, 好好奇想知究竟發生咩事? 睇完詳聞先知原來係為"情"失控想企謀殺情敵!

我唔係刻意想去批評呢類人... 只係覺得人好多時有煩惱, 有唔開心既事要面對,, 除左身邊既人可以開解佢外, 最重要係睇個當時人自己想點,, 肯唔肯去放低件事/正面處理... 因為一個抱住正面態度既人, 同一個負面態度既人, 大家遇到既事&結果都會大大不同...

前者, 就算遇到逆境, 都會好快堅強起黎... 更加唔會做出一d害己害人既事 ; 但相反, 後者本身都唔想面對現實, 亦無想過走出困局... 就算有幾多人係佢隔離安慰佢, 開解佢, 關心佢,, 個結果換來只會係白費心機.....

我唔係一個十分積極既人, 亦都無咩大作為... 我只係普通市民一名, 返工為錢, 做人為開心... 明白好多事無得比較, 亦唔需要強求...    我份人好怕一d思想負面既人, 有d人成日都覺得呢個世界好似欠左佢, 人地既成就係幸運, 自己既不幸係上天玩佢,, 完全唔關佢事.. 一切都係人地攪成佢咁....點點點,,, 我真係唔識同呢種人溝通....

但今次見到呢篇新聞, 我好驚訝一個咁專業既女太空人... 係無數精英之中挑選出黎既人材, 可以話係精英之中既精英,,, 經過長時間既訓練.. 心思應該好冷靜... (我個人覺得讀咁多書既人, 又見識咁多, 理應係有正面既人生觀) 所以, 我真係好驚訝一個咁既女"強"人,, 竟然會為一段唔值得既感情上, 做出一d咁唔冷靜既事....  

人..... 真係好脆弱! 讀咁多書, 係杜會做咁耐事, 已有一個家庭, 三名子女... 但竟然俾一個會一腳踏兩船既男人.... 攪到自己前途盡毀,, 傷害左自己, 更加傷害左佢既家人... 唔知佢冷靜落黎既時候, 會唔會仲認為值得呢?

 

以上只係個人見解, 無心去得罪任何人,, 每個人都有權選擇自己條路點行... 不過人生苦短,, 何不開開心心去面對每一件好事/壞事呢?