Emirates Palace Hotel at Abu Dhabi

對杜拜既帆船七星級酒店開始有o的悶!! 唔緊要, 杜拜除左帆船酒店外... 仲有好多好高級好靚既酒店架....

今次, 介紹離杜拜需揸約1hr 30 mins 車程可去到既 Abu Dhabi....呢到有一間聲稱為八星級酒店, 比起帆船還要高一級!

Emirates Palace Hotel

從遠處挑望, 好似一座皇宮咁....

面耫十分大既Emirates Palace Hotel, 我去過三次, 但都無行晒佢既花園...

最值得觀賞既係佢main building 以外有一座小建築.. 外牆會不斷變色,, 配塔周圍既燈飾&宏偉既噴水池, 顯得特別美麗...

內裡... 實在得兩個字形容 - 大&金!  (我特登著對金鞋再攞個金袋去襯返佢地...heeeeee) 一入到去已經係金碧輝煌得不得了.. 每次入去大堂中間再向上望, 天花既設計實太震憾... 真係好靚... 其他怖置則以高貴典雅既燈飾或傢俱去配塔...入到去, 連講句野都唔敢太聲!  (本人覺得, 除左大, 無乜特別...)

原本尋日諗住去呢到食tea...因為以前試過夜晚六點幾黎食buffet, 見到cafe個到仲有人嘆緊英式一層層個隻TEA....成日好想去試.. 尋晚八點去到,, 睇下個menu先發現, tea set 係四點至七點, 仲要每個tea set at least 都三百幾蚊 .. 無得食, 有少少失望... 不過唔緊要, 我知返香港食一定會好味過呢到... (已約左我既朋友, 唔該唔好甩底!)

之前黎過兩次, 一係就無帶腳架, 一係帶左腳架先發覺DC唔夠電... 今次做足準備黎影返夠本先走! 呢到唔似帆船酒店咁嚴, 可以causal wear入黎, 亦都無須預約任何餐廳或房間... 可以話係自出自入無問題...  從來唔知呢到有D乜野咁特別會被譽為八星級酒店咁巴閉, 之前食過dinner buffet連生蠔都無....不過我諗我唔應該再將呢到同香港比較,, 因為, 呢到係杜拜,, 吹咩!

有興趣睇清楚o的 d相, click呢到啦!

依家係朝早11點半, 我仲未執好個喼呀... 好多野未做...我遲D再回應大家.... 唔好意思!