My Busy Schedule!

呢兩日將會超忙

...

今日已經係12號...

好彩已安排好返香港要去澳門玩既

酒店及船飛.... 亦都買好左返香港攞去人地屋企拜年用既朱古力... 攪掂左媽咪, daddy份禮物.. 暫時做好一部份... 再黎就係...

聽日13號

要細心諗下究竟十四號要出街食飯定係係屋企煮好? 又要開始執定行李返HK... 雖然話我過黎呢邊住左唔係好耐... 但敗家既我.. 不斷係到買野買野... 所以要執野都係一件頭痛既事!

後日14號

去邊好呢? 去邊好呢?? 唔知....

我諗大少都無Book到枱食飯.. 因為我地都唔係太知有咩好食... 最好食既野彷彿係屋企飯??  點都好.. 呢一日我會好唔得閒??  仲有一件大事就係大少15號生日呀... 我要準備下... 但唔話得你知係乜野.. (因為大少日日都會睇我個blog.... 留返D"驚"喜先)

大後日15號

大日子!!! 大日子!!! 首先係

大少生日既大日子... 今日既早, 午, 晚都要悉心挑選準備... (但無乜信心會做得好... ) 夜晚叫左大少要早D收工, 因為今晚除左要出杜拜食飯慶祝外... 亦都係我地返HK既大日子  (我地坐零晨1點幾機...) 所以, 大少早D返黎作最後準備,, 收拾細軟... 揸車出杜拜食飯!! yeah yeah yeah... (多謝尤妮斯提供左一間好浪漫既餐廳俾我地...) 希望呢一晚大少會滿意啦..... 食完飯應該都無乜時間剩... 如果有.. 我都想作最後沖刺,, 去MOE再睇下有冇野買返去先....

呢兩日我已經開始係屋企進行清倉大行動!!! 就係要將食物櫃, 雪櫃唔放得耐既野徹底消滅... 但食極都仲有好多... 只怪平時貪心, 買買埋埋... 呢兩日已經唔敢再去supermarket亂買野.. 希望呢幾日可以淸得七七八八啦... !!

雖然好似好忙咁...但你問我今日做過D乜? 我又好似無乜做過野.... 點算?? 點解我咁懶!!!!

屋企仲有好多罐頭未食,, 又有好多義粉未食.. 不過好彩呢d野食都擺得... 大少, 以後你自己搵野煮黎食啦!

今次買呢批Patchi朱古力買返香港當賀年禮物送禮,, 見佢包得紅卜卜,,, 好意頭呀!