尋日終於等到大少放假啦... 前晚我已經同大少講左今日唔想有外人騷擾,, 我要二人世界, 可以嗎?
一早起身(都唔早, 都成十點!), 某君已經打黎問大少一唔一齊去邊, 食唔食野等無聊問題.... 但大少好醒目咁話" 仲訓緊呀... 係呀, 今日訓返飽呀....訓醒打俾你" 
第一擊成功... 令某君知難而退!!
跟住我地係張床到討論下今日有咩行程先...... 傾到咁上下...
我 : 咁陣間係咪真係要叫埋佢食晏呀? 
大少 : 如果唔叫佢, 又好似好衰... 但叫佢,, 又阻住我地..... 我地話去食野, 佢實話, 好呀, 去邊到食, 一齊呀! 如果我地話去行下街... 可能佢又話, 是單啦, 一齊行下囉! 
我 : 下,, 咁點呀,,, 一係話我地去Supermarket買D野咋.. 無乜特別!!
大少 : 可能佢無乜野做都會話一齊去喎! 
我 : 唉,, 咁我地話去睇戲囉, 佢識做啦掛....
大少 : 睇戲都好... 佢應該唔會跟去...
我 : 不過以佢性格真係捉唔到路, 陣間又話去咪大獲!!!
大少 : 究竟有咩地方佢係無興趣去呢??? 呀!!!!! 一係我地話去祈禱囉.... 我諗佢一定無興趣去.... (大少意思係話去Church)
我聽完之後,,, 係咁大笑 
.... haaaaaaaaaaaaaaaa 去祈禱... 你咁都諗到.. 佢聽到實眼都'突'埋!
最後, 我地都係自己走左去食野... 無打俾佢...heeeeeeeeeeeeee
今日同大少講, 天氣好好呀, 我想出去食brunch...揸車去到目的地咁濟,, 我又口多多話想去飲茶(因為見到尤妮斯去完香宮飲茶, 我又好想食點心呢!!) 但Abu Dhabi無香宮, 大少就話搵下有冇D中國餐廳有點心食啦... 最後幾經波折先搵到
餐廳名 - 北京樓, 我地叫左春卷, 小籠包, 乾炒牛河, 燒賣, 雙拼饅頭... 埋單約130港紙! 
d燒賣皮顏色好似塑膠玩具咁..又厚,, 都唔係好敢食!
先生,, 你是不是給錯雞包子我們呀?? 小籠包的皮.... 哪..哪有那麼厚呀
?? (請用普通話讀出!)
嘆完個茶, 我地周圍去行下... 由於就黎返香港,,, 加上依家周圍都大減價,,, 我要去血拼血拼... 
尋日個天SUPER GOOD 呀.... 藍天與白雲係我既至愛!!! yoyo... yeah yeah!!! 
豪宅呀... 大別墅呀.... 周街都係呀..... 好想入去參觀下呀
飲完餐把鬼早茶後,, 食左個d 雙拼饅頭包到上心口,,, 夜晚返到屋企, 九點先煮左個海鮮河粉食呀... 方便又好味... 啱晒我!
有蝦啦, 蟹啦, 蜆啦, 磨菇啦, 芽菜啦, 芫茜啦...仲有魚丸添呀! 
海鮮餚出既湯另舍清甜幽香.....
待續.....
沒有留言:
張貼留言