整容?!

呢排聽收音機, 成日都聽到一d 話題係提及'吳文忻' 去韓國首爾做整容手術... 酬金有一百萬!!

佢分別做左 : 削鼻骨手術，豐嘴唇、打 Botox瘦臉與抽脂等

其實我成日把口都會講想去整容.... 我想隆胸, 整走d雀斑同埋抽脂!

但講還講, 我知自己一定唔會夠擔.. 而且亦都無咁既能力去面對身邊既親戚朋友... 

我好相信人係無完美...

一個好靚既女仔, 身材一流, 但擁有一把鵝公喉...

一個人全身名牌, 身光頸領... 但原來每個月咭 'com' 咭過活

別人男朋友有錢, 靚仔, 大隻, 事業有成... 但原來係不舉!

一個樣貌可以話一d都唔靚, 只有5呎差一寸既高度, 仲要帶少少啤梨身型... 但心地卻十分善良, 擁有一個溫暖既家庭, 身邊充滿歡樂同朋友...

一個人完唔完美, 係無標準答案,,, 一切只depends on 你既價值觀..  所以, 完美係無法追求....  唯一令自己好過點既就係滿足現在擁有既...識得知足,,, 就會常樂!

其實我成日都好感謝神...

家庭篇 :

感謝主賜我有一個好爸爸, 好媽媽... 雖然成長過程中我無一個完美既家庭, 但感謝主仍然俾我感受到家人對我既愛係無條件...  俾我知道家人既重要性 (Daddy & Ma Ma, I love you)

上年最新既合照..

朋友篇 :

雖然我個性內斂, 唔容易同人結友... 但感謝主賜我俾我唔多,, 只要一至兩個就夠既好朋友.. 由小學一年班第一日開學, 你就係坐係我隔離, 就係咁, 我同你既緣份一直到依家都無間斷過... 我真係好慶幸有你呢個好朋友(其實你已經升級到唔只係我好朋友, 而係我既家人).... 當然我仲有好多好多既好朋友,, 其實大部份做得我好朋友個班, 大家都真係知心朋友, 而唔係酒肉朋友, 因為我係一個唔識打交道既人, 亦都唔鐘意同唔啱傾既人扮friend..... (其實我真係好麻煩) 但好感謝主... 雖然我係獨女, 性格有D怪怪地.. 但都有一班好朋友, 無令我變成一個孤獨精..

呢張個構圖靚D..但又無左杰杰喎, 所以要做D手腳先... 其實仲有好多好朋友, 但暫時得呢張相齊人D...  (好朋友 : Carmen, SAm, Shirley, Meeko, Anise, Alan, Esther etc...)

工作篇 :

我讀書唔叻..但讀書時, 負負碌碌又俾我過到一關又一關... 自真正踏出杜會工作後, 好感謝主一直以來都幫我安排好所有野... 從來無為我事業而煩腦過... 好多時都係傻下傻下咁又有份工做, 傻下傻下咁又有人搵我轉工.. 傻下傻下咁立足到依家,, 而且每次遇親既上司&同事都對我好好...

(因為牽涉太多人, 唔知佢地願唔願上鏡, 我都唔係post啦!)

感情篇 :

前事唔提啦, 總之就多謝每一位曾經鐘意過我既人,, 因為你地每一位都對我好好...希望你地將來都會過得開心愉快!   最感謝主就係賜左你俾我... 以前既我, 只懂被愛, 甚少付出, 亦都唔係好清楚咩叫愛?  曾經都以為愛就係咁... 唔清唔楚咁就一世.. 唔一定要搵一個你愛, 最緊要搵一個愛你... 但完來係錯!  大錯特錯! 被愛係幸福, 但愛人同樣係一件好幸福既事.... 愛情需要兩個人互動, 先有火花, 先有意思... 呢樣野, 我同大少都深深感受到... 點都好... Darling.. I Love You Forever....

回顧我既一生, 我真係覺得自己好幸運, 好幸福....  雖然我肥, 身材唔好,, 唔聰明,, 但我擁有以上既野, 我仲求D咩呢? 

如果晒錢晒精神去整容... 不如諗下點報答家人, 愛人, 朋友 仲好啦!