西柚煙肉減肥餐 - Day 3

Day 3

開始習慣呢個餐... 但晚晚臨訓前都會feel到肚餓,, 可能始於都係無飯落肚. 好掛住D麪包.... 大少仲衰,,, 尋晚十二點無啦啦話好掛住我D抄飯...

佢話 : "不如我地抄個飯食囉!

"

我話:  "依家有碗熱辣辣既炒飯食, 會食得好開心架喎!"

佢話 : "我依家去煲飯咯!"

我話 : " 我唔會抄俾你食架! (忽然正經起黎 )""

佢話 : " 咁我抄俾你食呀...."

我話 : "我唔食, 要食, 你自己食啦!" (好堅決地)

佢話: "好!! 果然夠堅定,,, 試你唔到!"

大少呀,, 你都知我人生除左吃喝玩樂, 減肥係我最常參與既事.... 雖然唔係好積極,, 但你應該知道我係話左要減既時候, 我真係可以好忍得架!!! 

Breakfast :

煙肉兩塊 + 蛋兩隻 + 西柚半個

今日隻蛋轉下煎荷包蛋... 大少鐘意食D荷包蛋個黃係有少少熟... 但我覺得要煎到個黃半生熟好難... 要反一反隻蛋, 令到個黃可以掂到個獲,  但又好易攪到隻蛋穿... 攪到隻蛋煎得好樣衰!~

由於尋日login唔到入blog.. 又回覆唔到你地, 又寫唔到blog..又唔可以留言俾其他人.. 悶到發慌.... 我由大少返左工後 (大約九點), 一直訓到下午三點先起身 (因為大少要同老細去食飯, 唔返黎食, 我可以鐘意幾點食都得)

三點其實都仲可以繼續訓... 但覺得係時候起身食野,,唔好拖咁晏.........所以就好似夢遊緊咁起身... 想再試下LOG唔LOGIN到入YAHOO... 點知... 又係唔得!!!

LUNCH :

今日自己食, 求其就得, 因為唔洗特別整肉俾大少食....

沙律 (蕃茄 + 青瓜 + 橙 + 烚蛋 + 吞拿魚 + 提子 + 西油 + 沙律醬)

其實橙同提子應該係唔食得, 因為有果糖..但D提子再唔食會壞架啦,,, 你都知呢到D野幾貴... 唔想'side'野唯有食埋佢.... 點解d媽咪好多時都變左肥C奶?  就係抱住我呢個心態囉!  唔想WASTE食物麻! 明知唔得都食..唉!!!

今日無野做... 唯有乖乖地洗衫... 摺衫啦.... 我得閒到連大少D底衫都熨到銀紙咁直呀!!!

有時都會係到諗... 我日日都係咁樣生活 (起身, 煮早餐, 上網, 洗衫, 熨衫, 煮lunch, 睇書, 聽收音機, 上網, 又準備dinner , 等大少返) ... 但講真, 我又唔會覺得太悶,, 又唔會太抗拒,,,, 其實我份人真係"悶"得有點兒過份.. 過份到我自己都有D奇怪.. 點解我留左係到咁耐, 日日都係做呢D野, 但我一D都唔覺得悶!!! 好恐怖!!!

有時都想自己積極D, 學下野, 搵下野做... 但係呢個鬼地方, 又唔知可以做乜... 不過尋日大少同我講左個好消息.. 希望快D實現啦!!

好嚇人呀.... 我尋日五點係張床到睇睇下書,,,又訓著呀!!!!  點解我咁訓得架... 平時都唔係咁... 不過我有個朋友尋日同我講,,, 佢都食過呢個西柚煙肉餐... 佢話食呢個餐時個人會好累, 可能因為無澱粉質, 無乜energy 掛.. 而且會好燥,, 會生粒粒....

我都唔知係咪真係因為咁攪到我成日都想訓覺!

Dinner :

我都無idea仲可以煮D咩出黎食..... 將雪櫃所有材料都攞晒出黎.... 最後好求其咁....

焗雞翼 + 焗大菇菇兩隻 + 羊扒兩件 + 白菜牛肉滾湯 + 西柚半個

話時話, 個大菇菇擦左D牛油上去, 再加少少SALT... 原來超好味!!!