對不起, 我愛你

呢個世界上,, 好多野變左就係變左..

就算你幾咁努力想令佢回復惜日既狀況都係無可能既事...

所以點解人越大, 每做既一件事, 都要三思,,, 睇下值唔值得做,,, 做左後會有咩後果.. 更重要既係...

千萬不可以令自己後悔!

**************************************************************************************

自我出黎做野後.... 打扮同衣著再唔似返學時代咁... 初初出黎做野,, 係細公司做野都仲可以著牛記笠記波鞋...

但慢慢,, 人越大, 轉職到比較大規模少少既公司,, 就唔可以好似小朋友咁... 求求其其咁返工 ...

所以我開始會買西裙, 恤衫, 高跟鞋黎著

對於高跟鞋,  對我黎講係又愛又恨......

愛係 : 無可否認, 著左高跟鞋的而且確會令雙腿變得更修長, 更瘦! 

但相反: 長期著住一對高跟鞋返工, 行街, 追巴士等... 實在唔容易...

但為了靚靚,,, 我過去個幾年都忍受著呢D痛苦, 每日返工都會著住一對至少兩寸半,, 最高三寸高既高跟鞋...

記得某年既冬天,, 好開心買左兩對三寸高既BOOTS... 係未開始真係好凍既一天, 我就著住呢對三寸高幼踭既BOOTS返工... 一落到屋企樓下見到啱搭既巴士,, 拔起雙腿, 就咁跑住去追巴士....

突然間,, feel 到左隻第四隻腳趾既腳筋一陣劇痛...  我就心諗... 無事既, 無事既.. 過一陣就會無事...

但事與願遺, 我既痛苦,,, 一直纏繞住我...  每行一步, 就有如俾人踩住隻腳咁痛...

當日, 我即刻去睇中醫.. 想睇下我隻腳係咪已經斷左腳筋...

去到醫師到... 佢除左我隻鞋.... 用純熟既手勢去搵我邊到出左問題... 一按,,就中!!!  佢話我條腳筋發炎,, 因為個人俾左對腳太大壓力,, 敷下藥... 過一排應該無事!  (我個心都定D ) 跟住再望真D... 我D腳趾點解彎晒既??  原來我一直咁樣著尖頭高跟鞋,, 就好似扎腳咁... 不知不覺中將自己對腳都著到變左一隻尖頭鞋既形狀!! (最接受唔到既係, 我自己之前一直都無擦覺到呢一點, 原來隻腳趾已經監生俾我攪到咁!!!)

後尾我好心痛咁問大師... 有咩方法可以解救??  佢答我 : 無... 已經彎左, 仲要彎得咁勁, D骨都定晒形啦... 至於你條腳筋.. 遲D應該會無事.... 但以後都唔可以再著高踭鞋啦"

一句以後都唔可以再著高踭鞋!!!!  我聽完呆左係到諗... 唔著得高踭鞋,, 咁我聽日著乜返工呀?

 

我第四雙腳趾既彎度就好似一個老伯彎起條腰行路一樣咁彎!  而腳趾公都係有少少向左彎既傾向!

望真D... 我隻腳形原來真係跟住尖頭高踭鞋黎生展!

 

每次見到自己D腳趾攪成咁, 個心覺得好對唔住父母,, 又對唔住自己對腳... 原來我一直無好好珍惜你地..

依家攪到去唔返惜日既樣貌... 實在係難為左你地...

經過個次整親腳後... 我休息左一排無著高踭鞋... 因為實左痛到著唔到....

自此,, 有時就算著平底鞋, 但每當有時行路, 有壓力時, 我第四條腳筋都依然忍忍作痛....

呢件事其實好後悔, 因為腳係跟住自己一世... 以後行路都要忍受突然奇來既痛楚, 真係好辛苦, 而且又好掃興 (尤其shopping緊既時候)

但自我讀完美容又從投寫字樓返工後... 我一樣有著高踭鞋... 但現在既我學聰明左... 我以後買鞋唔會再買到啱啱好.. 我會買大多一個碼, 放個鞋墊, 而且買大D.. 個尖頭位咪無咁窄囉!!!  heeeeee

但講到尾.. 我都係捨棄唔到高踭鞋......但已經唔再夠擔買三寸高, 兩寸半已經係我既極限!

所以我都要講一句 :

對不起 (我雙腳)

我愛你 (高踭鞋)