忙碌的一天

今日作反呀!!! 我竟然訓到九點都唔識醒,, 大少自己起身刷牙洗面... 我都仲唔肯起身,, 唔知係咪一諗起今朝既早餐係食麥皮, 所以令到我完全無意慾起身煮早餐.... 可憐的大少今朝無早餐食, 只係自己沖左一杯咖啡飲咋!!! Honey, Sorry ar...  大少臨出門口仲好體貼咁話 "今個月係你既生日月, 呢個月你唔好做野啦, 休息下啦... "

但我訓到十一點都俾清潔工人禁鐘嘈醒左我 ... 我一起身就無偷懶啦, 即刻入廚房切雪梨煲雪梨水俾大少飲

跟住又準備LUNCH,, 由於尋日煮剩左D肉碎, 我又抄我既撚手炒飯, 其實我自己不嬲都覺得炒飯係最簡單, 最方便既食物, 材料好隨意, 但又好味, 又飽肚... 而點解我識炒飯呢?  又係跟我阿爹學架... 我細細個Daddy已經好鐘意炒飯俾我食,, 因為方便麻,, 所以我順利成章就識得炒一手好美味既炒飯....

大少奶撚手抄飯

係香港時, 我堂家姐成日都好鐘意食我炒既飯, 佢話我炒得仲好味過我Daddy炒, 但我一直都無乜在意, 因為我覺得一樣咁易整既野, 係人炒都好味啦... 但過左黎之後, 大少自第一次食過我炒既炒飯後, 就話 " 你點炒飯架, 點解炒得咁好食, 我炒極都炒得唔好食, 炒唔到一粒粒飯既效果........" 所以, 炒飯就成左一道大少必愛既一味菜式!

食完lunch, 我跟大少出去做一做公司野後, 我去supermarket買餸,, 俾我發現左一個mini 蛋糕模.. 之前想買一個模整蛋糕, 但太大個, 得我地兩個食, 又好似唔啱用, 但成日用石紙焗蛋糕, 唔環保之餘又焗得唔靚, 呢個mini 蛋糕模就啱晒啦,, 真係好Q,, 其實Q多過真用,, 但我唔理, 買左先算啦..Haaaaaa

好可愛既 mini 蛋糕模

好Q架....

雖然杜拜無香港咁凍, 但都係得十幾度, 所以要煲潤喉既雪梨水潤下先.... 仲加左幾粒龍眼肉.. 好清甜!

係杜拜呢邊有強烈既思鄉病, 一見到有中文字既野, 我唔理好唔好食, 都會買!!  希望唔好令我失望啦

呢到無豆腐賣架, 得呢隻日本既紙包豆腐, 又貴又細磚,, 但都無辦法,, 偶然都買黎食下啦..

聽BLOG友小窗話唔好飲咁多COFFEE, 我改買華田,, 凍冰冰既天氣入面, 沖不杯熱辣辣既華田, 好正呀!