西柚煙肉減肥餐 - Day 7
(Yahoo尋日唔知仲乜UPLOAD唔到相, 所以攪到今日先update到尋日個餐,,, 唔好意思呀!)
早餐 & 午餐 同前日一樣.. 我都唔想大篇報道
唯一有少少貢獻係, 尋日有如常做左半個鐘頭呼拉圈.... 熨左四十五分鐘衫.... 無訓晏覺,, 都算係咁啦..
夜晚個餐, 我地去左supermarket諗住買扒食, 同埋去買個電爐諗住打便爐...但最後電爐就買唔到... 大少仲執左幾包薯片返黎 (我有極力阻止架,,, 但個心暗裡歡喜... wahhaaaa 
)
芫茜皮蛋豆腐湯 + 煎肉眼扒 + 炒白菜 + 西柚半個
因為買唔到紐西蘭既扒, 買左巴西扒... 價錢係平好多, 但相對質素真係唔掂,, UN過 橡根... 所以唯有靠個煲豆腐湯黎頂肚......
最近晚晚追 " Prison Break - 第二季" (香港叫逃, 第二季三月先會做) 睇到我晚晚都發惡夢,, 又係發埋個D俾人追殺既夢. .. 真係就黎攪到我思覺失調啦!! 但又好緊張..
我地尋日破左戎呀.... 一路睇Prison Break 既時候, 終於認唔住啦... 開左一包薯片黎食, 好好味, 又好開心... haaaaaaa 食第一包覺得個味麻麻地.. 所以再開另一包試,, 食完兩包, 我好大膽咁同大少講, 不如食埋最尾個包囉, 好過我第二日個心羅羅孿又想食... 所以.... YEAH... 開埋黎食啦.. 一係唔食, 一食就食三包, 你話死唔死.... 大少仲話唔會篤爆我... 但我良心發現, 我唔可以隠瞞自己既錯... 所以都係要話俾大家聽..
你唔係呀嘛....你咁辛苦去到第7日,你走去食薯 片???? 冇嘢呀嘛你.... ! 你仲有3日就食完ga la...幾大都等到10日先食啦 !!!
回覆刪除.............你點可以做d咁嘅事
回覆刪除你結果減到幾多磅呀? 我才第三日食麥皮代一餐, 不過天氣冷就總想食d 好熱好油的東西.....唉, 宜家塊面脹爆咁, 要有決心減才得
回覆刪除小窗 : 奇蹟呀,, 啱啱見完你個問題, 我走左去磅, 我居然今日突然輕左5-6磅, 之前仲係好似好唔穩定咁, 又重又輕... 唉, 我都唔知... 我諗等我完成晒十二日再謗下先準! 好奇怪!!!
回覆刪除磅重, 你可以賴個磅唔準, 但當背肌越來越厚, 手臂越來越粗而原本尖下巴變成圓碌碌, 你都可以仍然賴係水腫, 但當連手指都肥了, 由原本帶細碼變成帶中碼手術手套時, 便知死咯, 我便是這個例子囉....嗚
回覆刪除