杜拜一日遊

之前提及過我有兩個同事係香港過左黎Dubai 幾日... 所以係尋日, 趁大少出開Dubai 開會, 我就順便倍佢地去Dubai d Mall 到行下, 睇下, 食下咁... (其實都唔知係我倍佢地, 定佢地倍我, 因為我又唔係好熟路, 唔可以話得帶人去玩...反之.. 無佢地, 我都好少一個人行Mall!   )  Anyway, 我臨尾都同大少講, "放心啦, 我會照顧D團友啦... 你開完會打俾我啦!"

我地今次去左Dubai一個都幾大型既Mall , Dubai 除左 Mall of Emirates 係所有人必去既大Mall 外, 我自己覺得呢個叫做 Ibn Battuta 既Mall 都好值得去... 呢個Mall分別由六個唔同地方既建築概念組成, 分別有.... China, India, Russia, Egypt.. 仲有兩個唔記得 , 佢地入面既建築裝修都好有特色, 我覺得未去過既朋友如果有機會黎杜拜時, 可以去下影相.. 好靚架!

因為今次有好多相POST俾大家睇, 我唔講咁多廢話, 大家慢慢欣賞啦 ...

Ibu Battuta Shopping Mall - 啱啱見到有架咁攪笑&特別既車, 我地每人都唔'sit'抵咁企係隔離影相... (好想裝下入面有咩咁巴閉攪到架車咁.............長! 但驚俾人打, 都係無做到)

特色噴水池...

Mall 入面除左有得shopping外, 都有返本身個主題既歷史睇...

因為我對歷史麻麻地, 所以我無睇到, 因此唔識點介紹俾大家... Sorry!

呢兩個就係我舊同事...(右面個兩個)

我唔知佢兩個介唔介意我POST佢地個樣上blog, 所以我將佢地搖身一變, 變左呢到既原居民 - 阿拉伯黑紗蒙面女人 VS  白布包頭男人... (好攪笑, 我一路畫, 一路笑,, 不過我知佢地唔會上我個BLOG睇, 應該無事...heeeee)

呢到好多好靚既天花設計...

Lego 專門店 (係Mall 入面)

呢個天花有個人造藍天效果, 有少少似希臘(仙島)街頭小店...

好白痴,, 唔知呢到D人真係覺得 天線得得B,真係好得意定係以為佢好紅呢?  好多時係Mall都會見到佢係到賣汽球 (見到都反胃)

攪鬼吹氣公仔..

呢到間戲院有21條院線咁多.... 任君選擇

黎到China區啦... 都唔錯架, 勝在夠sharp 麻!!!

究竟係到放呢D船係想代表香港定代表China呢?

***************************************************************************************

轉私陣地... 時間較得啱啱好, 差唔多行晒時, 大少就打俾我話開完會, 黎接我地去Madinat Jumeirah ,, 又係為左影帆船而去... go go go ..

走既時候, 啱啱日落黃昏,, 個天超靚... 我最鐘意影雲... 呢D一舊雲似晒我... 我影左好多好多, 見住個天係咁變色.. 影極都唔厭....

入到Madinat Jumeirah..個天, 個景,襯到好靚...

又變色啦... 紫色... 我最鐘意... 好浪漫呀!!!

個到有個新檔口.. 賣手工野.. 佢真係用沙逐層逐層推出圖案.. 好靚... 但當然都好貴啦..

帆船,, 例影... 已經影到無晒感覺.... 可唔可以俾我試下係帆船酒店既房到影返出黎呀? (但大少話, 帆船D房黎緊半年都已經fully Book 啦.. >_<)

好想將呢棧燈偷返屋企... 好靚呀..heeeee

******************************************************************************************

夜晚, 大少帶左我地去一間佢自己好鐘意食既正宗印式餐館... 呢到最出名就係燒雞 & 印度薄餅.. 個個都食到 'lam lam 脷呀!'   (Sam, 你掛唔掛住呢d燒雞呀?)

今日玩得好開心, 因為呢d同事係本身同我都好friends, 佢地過左黎就好似見到舊朋友咁.... 希望將會有多d我friend 既香港同事過黎探下我啦.... 我好期待你地呀!!!