西柚煙肉減肥餐 - Day 6

Hi,, 又係同大家滙報減肥進度既時候...

大家有冇睇到有D悶呀?  我自己其實都食到好悶... 再加上成日睇到BLOG友 D網誌... 個個都係Post d 美味食物上網.. 我係到諗... 點解我做人要咁自討苦吃?? 想食咪食囉... 依家又唔係痴肥... 仲乜攪到自己成日咁唔開心喎!!!  又要減, 又要呻.... 都唔知自己想點... 想放棄.. 但又唔係好甘心.... 總之,, 我係百份之一百既麻煩女人.... 大家體諒下我啦....

Breakfast : (又係十二點先食...heeee)

其實如果唔係要日日八點要起身煮早餐俾大少食... 我諗我真係一個超級大懶蛇...

以前係香港返緊工既時候 ,, 每逢六日放假, 都必定訓到黃朝百晏先起身.. 無一點都唔願張大雙眼... 未計翻訓既時間, 我閒閒地都可以訓到下午三四點...

諗住過到黎, 改下自己生活習慣,,, 雖然日日都算早睡早起... 諗住唔會再有訓到太陽晒住pat pat既情況出現.. 但... 原來我既本性,,, 真係懶蛇一條.... 點改都係改唔到!

是日早餐 : 老細... 照舊呀唔該!

今日有少少值得加許既就係... 下午無野做既時候, 我開返"我愛金三珣" 黎睇,, 邊睇邊做呼拉圈呀!!! 做左

半個鐘咁大把呀.... 唔算劇烈運動, 但都有出左少少汗架!!!

之後大少又嗌肚餓... 我就整左最方便快捷好味既沙律佢吃... 之前佢日日同老細出去開會... 夜晚返黎見我晏晝食咁正既沙律, 已經係到投訴話我唔預佢喎 (佢自己同老細出去食飯, 偷食左麪包, 又食朱古力, 又飲咖啡,, 我都無話你啦!! ) 

LUNCH :

煙三文魚吞拿魚什菜沙律 + 西柚半個

我好鐘意食新鮮靚蕃茄.. 又好鐘意食青瓜,, 又好鐘意食新鮮生菜... 有專家話, 食吞拿魚會令人快樂... 唔知係咪咁, 每次我食呢個沙律餐都會好滿足, 好開心... d 色又colorful... I like it!  大少都話好味到無得頂!!!

五點幾既時候, 發生左一件不幸既事..... 大少又係到嗌肚餓, 又話口痕,, 係咁搵野食.... 佢已經偷食左Nuts..仲話唔夠喉... 係雪櫃搵到pack燒賣.. 係咁引我倍佢一齊食....

最後,, 我地蒸左九粒黎食囉.... 雖然呢D魚肉燒賣唔係我既至愛... 但又係身在異地倍思親... 我都破左戎食左兩粒... 原本食左三粒, 第三粒真係覺得良心發現,, 未吞落肚我就吐返出黎... heeeeee

我二月返香港, 我要日日去茶樓飲茶... 食燒賣, 食蝦餃, 食食食食食

我發覺食呢個餐個胃口真係會細左好多...... 因為我已經開始習慣無飯無麪無包既日子... 亦都唔會容易覺得肚餓...  食完呢兩粒燒賣,, 飽到上心口... 有少少後悔食左添... 唔通我開始有厭食症 ( : 大姐,, 你就想呀! 你個胃口不知幾好... 個心仲成日諗緊芝士波呀,, 厭食症..發夢啦你!)

我今日係到睇返去希臘旅行既相,, 真係好懷念呢個trip.. 遲D有機會同大家分享下... 由於太多相.. 睇到我都訓著左... 我地八點幾又開始攪個dinner 囉...

Dinner :

香煎蝦碌&龍利柳 + 焗田螺 + XO醬炒西蘭花 + 西柚半個

今日呢餐好豐富呢... 有大少最愛焗田螺.... 仲有我既最愛... 煎蝦碌.... 仲有唔少得既廖太XO醬炒西蘭花... 又係食到我地好開心.....  (BLOG友們, 你地係咪開始懷疑緊, 我呢個係增肥餐定係減肥餐?)

一PACK 香蒜牛油田螺, 家樂福有售.... 價值好似2X dhs.. 等於港紙4X - 50蚊啦...

YUMMY.... 不過我嫌油得濟, 食左幾隻無食

好美味既蝦,, 我最鐘意食蝦,,, 尤其大蝦碌....

原本一碟無乜特別既蒜片炒西蘭花,, 一加左廖太特製XO醬, 野味左好多,, 大少係咁讚GOOD!

我們的

減肥餐...haaaaa (笑死人, 講都唔信)

我地決定過兩日去買個電爐返黎自家hot pot!!  屋企D料仲多款過出面... 起碼我諗我個海鮮鍋會多返幾隻蝦囉......