西柚煙肉減肥餐 - Day 8
早餐 : 照舊!!
午餐 :
Grill Chicken + 炸菜肉絲炒什菜 + 西柚半個
今日我又訓到成點先起身... 大少去完銀行提早左返黎食LUNCH... 但懶訓既我仲係到訓緊... 當我起身時.. 佢已經差不多預備好個lunch啦....
唔該晒你呀, Darling....
今日我又做左一件錯事.... 記得係我初初黎杜拜呢邊時, 少做家頭細務既我... 將大少既白恤衫同一條淺藍既既毛巾一齊洗.... 結果~ 成機變左藍色衫
.... 要漏夜去supermarket 買漂白劑先攪得掂...
自此, 我洗衫都會好小心,, 盡量分得好清, 白還白一機, 黑還黑一機, 襪還襪一機....
但今日... 我又挑戰一件淺藍色恤衫... 因為呢件淺藍色恤衫唔係好深色, 我又怕溝埋黑衫到洗會變無咁淺藍...但又儲左好耐都儲唔到差唔多色水既污漕衫開機洗.... 最後, 就膽粗粗摶唔會有事咁將呢件淺藍恤衫混埋白色衫到一齊洗!
兩小時後 ~~~
Oh... Shit!!!!! 成機都變晒淺藍色呀.... 唉, 個心好焦急, 因為怕俾大少知,, 佢又會笑我.... 用返上次個隻特強漂劑,, 但今次成機都要漂返白... 真係好難..... 唉, 點都要試下啦... 結果.. 一樣藍.... blue blue blue....
唯一值得安慰既係, 今機係無其他大少既白血衫, 只係佢D白色底衫... 就算染左色都唔係太大問題.... 不過有兩件我好鐘意既白T都染埋色.... 嗚..... 抵死啦,, 成日都唔聽人講, 依家捉蟲啦... 下次睇你仲敢唔敢咁懶! 
大少放工後, 我地揸車去較遠既supermarket去搵電爐買.... 始終都係無香港用開個D... 得一款好騎呢既電爐..但無得揀...求其買左返去先算啦...
有左電爐, 緊係順便買埋HOT POT 材料啦....
自上次去"乾州"打完便爐後, 個心深深不憤食埋D咁難食既野... 今日, 係屋企自家便爐一定要打得盡興呀
首先介紹下今晚既選料 :
鮮蝦 (其實都係算鮮, 因為買既時候已死) 任食黃芽白 + 磨菇 (上次個到得4 條菜賣我十幾蚊港紙)
至愛粉絲 墨魚丸6粒, 水餃2粒, 腸仔2條, 雪魚豆腐4件
仲有一碟唔滑既滑牛 & 雞腎一碟
再加一煲芫茜皮蛋湯底 (內有白蘿蔔 & 無味粟米).... 好野.... 開餐lu......
.......................................................
.................................................
........................................
...............................
5分鐘後.....
我 :Darling...點解個煲一D反應都無架? 啱啱係廚房煲滾攞出黎, 無理由出到黎, 滾都唔滾下架? 係咪未插電制呀? 個電爐係咪較到最盡啦 (個電爐係無高中低火較架, 得個扭制較Min - Max!) .....
大少 : 已經較到最高啦... (Darling 臉色一沉...) 如果再等多一陣都無反應, 我地就要將D野食拎入廚房一獲熟架啦! 呢個煲應該係for keep warm not for Hot Pot...
我 : 下.... 我唔制呀... 我要打便爐呀, 我唔要一獲熟呀..... 唔制, 唔制.. 唔制呀
大少 : 好啦好啦.. 咁唯有入廚房樣衰衰咁打啦....
跟住我就走左去廁所洗手...... 一出黎見到
哇哈哈.... 大少好快手咁搬左兩張chair入廚房, 再搬埋D餸,,, 我一見到,, 笑到肚都痛埋.... 因為我覺得個感覺實在太攪笑, 好樣衰呀.. 邊有人打便爐打到咁樣衰架... haaaaa
我真係笑到孿住個身, 想影相都影唔到... 後尾大少就話, 點姐,, 快D啦... 無辦法啦, 好肚餓呀!!!
哈哈哈.. 但我真係覺得好好笑,, 我唔想坐埋去打便爐呀.... 兩條友對住個煮食爐打便爐... 超戇居呀!!!
你地睇下張chair放係廚放入面幾樣衰... 
唉,, 真係笑死人, 好彩今日唔係請人黎屋企打便爐姐.. 如果唔係... 唔通一堆人一齊企係煮房'烚下烚下'咩 ~~~
最後, 我地仲攞埋部notebook入去睇住戲打便爐..... 我同大少講, 呢D咁既經歷, 係黎到杜拜先會體驗.... 都幾有風味呀...haaaa
咁都得? 你地都好有創意下wor
回覆刪除好好笑!! Inspired by you, I have started my day 1 of grapefruit diet. Still surviving so far. How long is the diet supposed to last?
回覆刪除Diana~~其實我都好鍾意打邊爐架, 鍾意既程度可以係一個星期打足7晚咁多 ...... 不過我就從未試過好似你咁打得咁"騎呢", 最多一獲熟.....哈哈 !!
回覆刪除你和大少都幾可愛
回覆刪除笑死人, 第一次見. 喂... 下次可以try 下 用" 飯煲" 打, 都好勁架 話時話.... 你究竟減左幾多磅呀???? 我好有興趣呀
回覆刪除aiya....搞成咁呀你地!!! 你返到HK打到夠把啦~~唔好再咁搞笑啦 ~~
回覆刪除Esther : 你成日係香港去食豬骨煲就緊係講埋D風涼說話啦 ... 難為我係呢邊成日見住你地個個話打便爐打得咁高興,, 我緊係唔執輸要係到打返次先至心息! Amy : 無見過呢... 俾你開下眼界麻,,, 你都可以同你老公試下架....haaaa 我地住呢個Service Apartments 無飯煲附設架, 平時煲飯都係用普通煲黎煲架咋.... 唉, 你都唔知.... 唔係洗鬼咁樣衰咩!! 仲有呀, 都唔知個餐唔掂定我屋企個磅唔掂,,, 輕力D企上去就輕四磅, 大力D企上去就重五六磅,, 海鮮價咁,,, 無一次係準.... 但我男朋友話覺得我瘦左D喎... 唉,, 我都唔知,, 自在參與就算... 夏菊 : 歡迎光臨呀.. 得閒多D黎坐啦.... heeeeee 士蕉拔拔 : 嘩, 一星期打足七日, 你小心燥熱得濟, 流鼻血喎!!! 我呢種騎呢打便爐方法... 我諗無乜人會體會過...haaaaaa Mui : 歡迎光臨! 失禮晒... heeeee .... 呢個西柚減肥餐只需維持12 DAYS就完成...如有需要, 跟住可以休息2日, 再開始第二 round.... 詳細你可以參考呢個網址 : http://www.grapefruit-diet-plan.com/ , 祝你成功! Candy : 我地都唔想咁有創意.... 我地係迫不得已咋!
回覆刪除咁都得..............我尋晚同屋企人再戰"譚魚頭"啊
回覆刪除Mug 師奶 : 我都唔想咁, 但無辦法.. .. 你地又去譚魚頭呀, 有冇食一隻包心丸呀??
回覆刪除哇 ~~~ 你個廚房有座地大焗爐呀 ~~~ 正正正 不過你地o係廚房打邊爐又幾攪笑 ~
回覆刪除笨B媽媽 : 係杜拜呢邊因為屋大, 多數都係成座抽油煙機, 煮食爐&焗爐咁買架... 我地呢個算係好CHEAP架啦... 仲要個焗爐係唔work架.. 無法啦, 租apartment住係咁上下....你都唔知我坐係個爐頭隔離打便爐, 打到我成身汗呀!!!!
回覆刪除你地真係明正高順既打邊爐",因為係係個爐邊食
回覆刪除Diana, 你個blog好有趣!! 你同你Darling好sweet呀!!!
回覆刪除好好笑!!! 真係笑死我!!! 係呢, 你而家移居o左杜拜呀??
我會追返睇你的blog架啦!! thanks你分享歡樂比我地啊!!
哈哈哈..
回覆刪除好好笑啊..咁都得, 大少真係好有創意..
有時一齊癲都幾好..
掛住睇，煲燶粥！好彩冇人知...........
回覆刪除