一大舊垃圾!

A : 垃圾房阿姐                  B: 屋主

B : 阿姐, 我間屋有舊好大件垃圾.... 你可唔可以入黎幫我搬走佢呀!

A : 好.... 因乜解救間屋積左咁大舊垃圾都唔掉呀?

B : 我都唔知... 無啦啦放公返黎就見到係我間房既床邊啦...

A : 唉,,, 都唔知你地攪乜... 搬咁大垃圾我要收返D小費架喎....

B : 下,, X#&%@..廿蚊得唔得呀...

A : 一口價五十,, 咁大舊,, 好難搬呀!!

B : 好啦好啦.... 唉... 真係呀... 早知自己搬算啦..... ....

點解會有個黑色垃圾膠袋係房架?!!

咦, 睇真d又唔似係垃圾袋喎....

下.... 乜原來係...係honey你呀!!!  (作死,, 連我都唔認得!)

Darling...呢件係我新買既褸呀.... 靚唔靚呀?

*********************************************************************************

當然, 以上一段對話緊係唔係真架啦... 不過呢件褸係我尋日係Mango到買, 初初試上身時, 大少已經話件褸既表面質地好似垃圾袋咁....

但基於我見大減價, 又夠暖, 二百蚊鬆d港紙..都抵買.. 我咪買黎二月返香港時著囉....

今日係個袋到想攞出黎掛起時, 我又試著多次... 大少又一次咁話我件褸似垃圾袋.... 咁我咪真係踎係地下扮垃圾叫佢幫我影張相等我自己睇下似唔似....

其實第一張'立'眼望, 都幾似一舊垃圾!  你地覺得呢?

P.S. Hello... 我自己剪左個新髮型呀...返老還童,, 菇菇頭!!