泰國 - 住宿篇

我地個次去泰國揀左兩間酒店住, 一間係自己係網上面自己Search 返黎, 叫做 Grand President, 係類似Service Apartment 既Suite,, 內有兩大大間套房(雙人床&兩張單人床), 一個大廳, 一個開放式廚房....

係網上面睇, 好新幾靚... 每晚既價錢都係六百幾蚊港紙.. 我地BOOK左兩就都好似around 1400到(包早餐, 包專車機場接送, 包上網服務)... 如果有2 pairs couple去就真係抵到爛.... 不過,, 內裡既裝修&感覺就係麻麻地...

因為佢地既suite個感覺有少少舊舊地feel... 窗簾係好似大陸既酒店咁, 用深綠色... 廁所既地板都係用黑色雲石地.. 完完全全好似返左去大陸咁...

但由於呢間酒店係大少上網搵返黎, 佢見到咁貨不對版, 已經想話退房唔住,, 但我地係一早上網用credit card過數book房, 佢又點會咁易俾你走呀... 所以我同大少講, 都唔係好差姐... 粗粗地就住左兩晚

但講真, 如果對於一D無乜所謂既朋友黎講, 如果一班人去, 都好抵住架,,,係個feel差D, 但都乾淨... 同埋佢都幾近市區.. 去任何地方都係坐幾個站就到, 附近夜晚有路邊攤擋, 訓唔著可以落去周圍食地道泰菜....

由於太醜樣, 無影相!

***************************************************************************

第三晚, 我地book左Millennium Hilton, 呢個係我朋友極力推介... 不過佢真係無介紹錯,, 九月份時, 大約HK930晚(包無懈可擊好味早餐)... 

我聽人講, 泰國想住靚酒店, 大部份既靚酒店都group左係呢區... 呢到既酒店都有Shuttle Boat 提供接駁到BTS 站Saphan Taksin站出市區, 雖然有D唔方便, 但想住靚酒店... 都無計架啦!

Lobby - 一入去已經覺得... 嘩,,, 高檔野真係高檔野,, 大堂都靚過人... 穿過樹林個邊就係spa區

牆上既設計都好靚..

成個feel 都好舒服, 黎到呢到, 先真正feel到黎泰國relax既感覺,, 我地都異口同聲話, 早知三晚都BOOK呢到啦!

享用Hilton既洗手間, 我呢個大鄉里第一眼見到呢個洗手盤, 我呆左數秒係到諗, 呢到係咪俾人洗手架?

會唔會漏到落我個身到架?

 跟住再望真D.. 原來個設計係斜斜地... 你開水時, D水會斜流咁流入個去水位到, 唔會彈到人架..... 唉,, 好彩當時個廁所無人, 如果唔係我呢個阿嬸實好瘀, 而且又唔可以影低呢個新發現!

房間唔算好大... 但感覺就好舒服

廁所都算大, 有企缸&浴缸.... 佢提供既沖涼液, 洗頭水 & body cream 全部都係Crabtree & Evelyn既牌子黎架!

仲好細心咁送一盤welcome fruits & chocolates

呢幾日, 日日都食食食, 食返D生果都幾好喎

第二日, 特登早左起身食美味早餐, 再周圍睇下呢間酒店既設施... 呢到有個泳池, 佢地出名在有個人造小小小小小沙灘囉... 但真係小到有D無謂.... 游近玻璃邊可以直望附近既景色... !

泳池附設好多呢D沙灘床俾客人晒太陽或者睇下書咁... 正!

跟住再係酒店周圍到影相... 可能九月唔係旅遊旺季, 最開心係 間酒店唔會太多人...

玩左成朝, 要pack野走lu.........  Darling, 下次再黎.. 我要做SPA ..

你唔好怕痕啦, 好舒服架