我同大少都覺得係時候要收斂下啦, 自我過左黎後, 大少個肚腩已經日益澎脹,,, 我自己唔多唔少都肥左D (緊係啦, 一日三餐食得咁足, 又咁豐富, 唔肥有鬼!)
所以我自己同自己許下諾言, 由一月一日起要開始減食, 做多D運動,, 另外大少都話要減肥, 因為發覺自己塊面脹左好多, 影相唔靚喎 (但其實我好鐘意佢塊面咁多肉,, 因為摸落去時, 好好摸架.... heeeee)
由於我地兩個都要面對減肥呢個問題, 由今日起, 我要cut cut cut!!! 乜都煮少d, 唔整咁豐富, 落少d油, 煎少隻蛋, 飲少d奶, 食少d牛油, 煮少d飯, 煮少d餸,,, 乜都要減減減!!!!!
好啦, 睇下,, 我地今日既成績都唔錯架...
LUNCH
今日晏就一人一碗蕃茄什菜湯 + 蒜蓉炒椰菜一碟
呢個蕃茄湯我覺得好好味, 因為好清淡, 但大少就嫌淡得滯 (罐頭湯黎架, 自己加左少少椰菜)
洋蔥豬扒碟頭飯 (一人一塊豬扒咋, 加埋椰菜, 無啦... 我既份量緊係比起大少再少好多啦)
呢個洋蔥豬扒汁係用李錦記個D 醬汁包, 真係好方便, 而且味道都唔錯, 辣辣地,, 好野味! 大少仲話食到唔夠喉,, HONEY, 你唔記得我地要減肥啦!
嘩哈哈～係我既記憶所及，每逢生日或新年大家會許願既日子裡，"減肥"呢個願望一定係膽，同"世界和平"呢類係同一個level咁出現係小女人既願望list度，see佢又出現喇，嘩哈哈～～～
回覆刪除Sam, 咩意思喎,,, 我知次次都係得個講字, 但你要支持我麻, 仲潑我冷水!
回覆刪除估唔到大家一踏入07年都遇著同一煩惱, 我昨天上磅也嚇了一跳, 是呢世人至脹爆的時候.....至衰係我一肥就先肥在臉度......07第一季任務是keep fit , 我決定食麥皮, 好有效架
回覆刪除小窗, 食麥皮真係有效? 剩係早餐食定餐餐都食呀?
回覆刪除喂～大劉，食麥皮啦，我都係食麥皮就減到喇，我一食完就覺得好飽，咩雜食都唔想再食lu～btw，你唔係不嬲都有食既咩？
回覆刪除Sam, 我之前係有食, 但又唔覺可以減到, 所以好懷疑係咪真係得架?
回覆刪除食麥皮係好有用ga...我有個friend , 佢頭兩餐都係食水沖麥皮(唔係加奶) , 晚餐食兩個西梅再加菜...佢真係減得好快,但我都知麥皮加水係好難食 ...如果係咁都忍到嘅話你就成功喇 !!!!!同埋佢減完之後真係細食咗好多
回覆刪除食麥皮已經慘架啦, 仲要剩係用水沖,,, 好難食架喎~! 點可以日日咁食呀!
回覆刪除如果想減得快兼對腸胃好, 最好是食麥皮代替晚餐, 用水開的, 不要加奶....食食下會覺幾好食因為麥皮的texture 好得意, 如果你平時有飲開咖啡和奶茶也戒吧, d 奶其實好肥架呢
回覆刪除係要咁樣食先減得快D ga.....所以咪話如果你頂得順佢難食而日日都食,咁你就已經成功囉
回覆刪除Good luck.... ur food look very very GOOD!
回覆刪除小窗..... 你又知我最鐘意飲咖啡既.. 其實我都鐘意食麥皮, 不過要用甜豆漿開先鐘意囉... 呢邊無得買甜豆漿,, 如果用水沖, 真係會好難食架 >_< 你開始食未呀?? Esther... 咁樣食野, 做人會好唔開心架,, 要成功真係唔易! Alwen... Happy New Year! Thank you....
回覆刪除我都要加入你哋嘅減肥行列...因為節日過後, 我身上都長咗唔少肥肉呢....都係時候要"的起心肝"喇 好啦, 大家加油吧
回覆刪除Me : nice to meet u... 減肥真係好辛苦,, 尤其對於我呢D為食人士... 真係一件苦差!!! 但無法, 都要時時刻刻提住自己, 你有冇咩減肥心得呀, 大家交流下啦...
回覆刪除有朋友知我減緊肥 , 所以 send 俾我 , 睇下對你有無幫助 ! 想減肥的請遵守以下減肥必讀心得 : 1. 想減肥先解決便秘問題 2. 嚴禁宵夜 3. 不吃早餐反而脂肪增加 4. 精明選擇 5. 家中進膳 6. 輕鬆減壓 7. 多作幻想 8. 決心和耐力 9. 賞罰分明 10. 飲食記錄 11. 餐前一碗湯 12. 堅守「一日三餐」 13. 每餐七分飽 相關網頁 : www.healthcometrue.com/hk ( 有更詳盡解釋 )
回覆刪除