超級霹靂無敵大菲滋

尋日食完餐燒雞後, 個喉嚨已經痛痛地... 我諗住夜晚用漱口水'lon'下個口會好D.. 但當我訓到半夜吞口水時已經feel到好唔舒服,,, 最後仲痛到醒左... 要大少沖杯鹽水俾我飲兩淡再訓過

但一直都訓得唔好... 而且亦無好轉... 一路痛到朝早... 我痛到連吞口水都好痛.. 最後我無食到早餐, 煮完俾大少食我又訓過...

今朝先feel到原來唔係喉嚨痛, 應該係喉嚨位到生左粒超級霹靂無敵大粒既菲滋.... 我諗應該係朝朝食煎煙肉, 炒蛋, 又炸雞, 又燒雞, 又打便爐, 攪到我成個人火晒.. 所以就生左粒左咁勁既菲滋...

訓到一點, 大少返黎煮左D西蘭花, 再加D磨菇炒蛋俾我食... 食完又要飲鹽水... 但到依家, 都未覺好轉....

我粒菲滋大到令到我個扁桃線都腫埋... 真係好辛苦呀...

我地今日停左個餐, 無食西柚...  今晚可能都要煲粥食呀...

點解係我就黎放監既時候先黎生菲滋呀... 有好多美食等緊我架!!!!!!!

我唔制呀