泰國 - 吃喝篇

係上年, 因為之前去希臘買左Emirate Airline 既ticket, 咁啱佢地做緊promote送泰國機票, 但係班次係夜機去, 晚機返! (夜機係夜到夜晚十點半機, 去到都半夜十二點幾一點)... 所以我同大少就係九月去左泰國好隨意咁玩左四日三夜 (其實實際玩得兩日半, 因為第一日去到已經係半夜,, 無玩到, 而最後個日坐六點機, 四點又去機場, 又無左半日)  

首先今次介紹返我地呢個trip 食過D乜啦....

鐘意食辣野或泰國菜既朋友, 黎到泰國, 緊係24小時都不斷搵好野食啦... 我同大少都係為食兵團既成員,, 點會錯過今次既機會呢!!!!

係香港時, 我都做左少少research... 睇過書, 上網check 過... 以下有D就係我地plan 左必食既野啦..

MONT西多士... 連吳君如都開咪話好味,, 我個朋友更話不吃不可既西多士... 我同大少lunch 未食lunch 就去搵呢個西多士啦... 可能期望越大,, 失望就.... 有少少囉.. 都好味.. 但又未去到不吃不可既程度囉..

地址 : MBK商場(BTS National Stadium旁), 2樓近酒店那邊

 

****************************************************************

夜晚去左一個胡慧沖介紹既餐廳... o個個地方較為隔涉... 要轉的士, 但好多的士司機都好似唔識路.... 幾經辛苦終於搵到... 不過都無白去,, 因為個景個FEEL真係好正... 個餐廳開係一條大河邊, 可以望到日落, 背後有一條大橋, 夜晚有腳架的話影相會好靚.... d野食亦都好好味, 好平..

有冬陰功大蝦飯, 紫菜魚蛋湯, 炒通菜, 一條超大條GRILL 魚... 好味!!!

因為無帶腳架, 好難得先影到一幅稍為清d既黃昏景.....

我同大少既合照, 無一張係清囉... 但想俾大家睇下呢到既景,, 後面有條橋, 夜晚都幾靚..

Buri Tara Bar & Rest

762/2 Rama 3 Road, Bangpongpong, Yannawa, Bangkok

Tel : 02-682 94579, 5:00pm – 1:00am

*************************************************************

除左食, 就係不斷行商場... 我同大少都唔係好鐘意逛SHOPPING既人 (應該話, 如果同大少一齊, 我無Shop得咁癲, 費事要佢等啦... Shopping 都係約女仔一齊去開心D).. 所以來來去去既商場對我地黎講都無乜特別..

途經麥記, 點可以錯過我最愛既"芋頭Pie" 呀.

.. 幾年前黎泰國, 試過呢個"芋頭Pie"後, 我就一直念念不忘,, 前一排... 香港曾經都出過.. 但唔知係咪先入為主, 我都係覺得泰國呢個好味好多.... 大少第一次食... 都話無介紹錯... 正!!!!!!  但太快食晒... 無影到相.. HAAA

***************************************************************************************

除左食正餐&小食外... 榴槤又點可以唔食呀... 如果可以, 我真係想一個人食晒成盒榴槤,,,我係榴槤超級fans... 但係, 因為榴槤既卡路厘好高既關係... 所以一直都會抑制自己唔俾自己食.... 但黎到泰國, 又平又好味.. 點都要食啦!!!! 

我地香港人好多時都鐘意食比較熟既榴槤, '林林地' '一pat pat' 先好味... 但原來係泰國, 佢地本地人反而係鐘意食生, 爽既榴槤.. 所以當我地成日揀d又熟又林既榴槤, 佢地就會知我地係香港人... 而且較熟既榴槤係個邊因為唔受本土人歡迎.. 價錢亦都相對較平.. 所以如果大家去到泰國食榴槤, 千祈唔好買貴野.. 除非你鐘意食'生'榴槤啦!

呀... 唔記得同大家講, 咁啱有個best best friend - Cherry, 佢同我地同一時間去玩, 所以約左一齊食左餐飯, 呢PACK 榴槤超好味, 十蚊咋!

**********************************************************************************

泰國呢排既熱門好去處又點少得 STATE TOWER 既 Mezzaluna / Distil, 呢個STATE TOWER 好似話係全泰國最高既酒店, 係頂樓設有餐廳... 大家可以去Distil 訓係一張大SOFA 到一路望夜景, 再order一杯飲品,, 同至愛/三五知已傾下計, 都好好feel 架....

如果想食飯, 又可以去上一層既Mezzaluna到食義大利餐...  當然又係可以飽覧泰國全夜景.. 個feel又係無得嘆!  不過以我地既經驗... 下次再去的話, 我地只會去 Distil 到飲杯野傾下計就算啦.... 因為Mezzaluna個到既野食真係幾'拿利', 我地兩個人叫左一碟扒, 一碟義粉 & 一杯紅酒都已經千幾蚊啦..  而且D野又細碟. 又唔係話好味到無得頂.... 係泰國呢D地方... 緊係食D又好味又平既野啦... 你話係咪?!

呢個係送既頭盤, 鵝肝... 雖然話唔係好味到無得頂,, 但又唔係唔好食... heeeeeee

個夜晚就在你腳下!!!! 

可惜D燈光太暗, 所以都無影到D食乜...

63^rd/F, State Tower , Bangkok 1055 Silom Bangkok

11:00am – 8:30pm, www.thedomebkk.com

(去呢到唔可以著得太causal , 背心短褲, Noway!)

*********************************************************************************

另一日就去左China Town 既海外天到食翅啦.... 最好味既一日....

一人一鍋翅, 腰果炒海參, 馳名蝦碌, 蠔油炆鵝掌.....

一鍋翅都係六十蚊港紙咋. d翅又大條又好味... 海參又好好味.. 鵝掌又好入味...  好後悔個時掛住食, 無再仔細影清楚D餸呀...

地址 : 基本上坐的士去到china town就會見到.. 對面仲有林珍香賣呀,,, 一次過食完再去掃貨啦!!

***************************************************************************************

最後一日, 約埋好朋友一pair去一間又係係河邊既餐廳...

食黃金蝦碌, 烏頭, 咖喱炒蟹... 仲有D乜都唔記得lu....  (因為唔係太好味, 又唔算平)

其間我地仲食左Swensens 雪糕, 好好味! (係Siam Paragon Foodcourt入面), 仲有去翟度翟食一磚磚好多味既雪糕, 街頭小食, Rotiboy 超大包包 (又係好出名, 要排長龍買架, 但個個包都係新鮮出爐) etc...

好啦... 吃喝篇就介紹咁多住啦.... 遲D再介紹埋玩樂俾大家睇呀!