我係一個貪靚, 但同時間又係一個好懶既人...
自小就好鐘意花好多時間去打扮, 去留意潮流雜誌... 最鐘意搵自己既頭髮黎'攪飛'...
讀完書畢左業後我就做秘書, 一直做左大約四年... 突然間有一日俾我舊老細挑起左我條筋.. 開始問自己究竟個目標, 興趣係乜野? 對於呢個問題, 都困擾左我好耐好耐.... 之前有睇過我一篇網誌既人都知我自小既志願,, 只係做一名家庭主婦 (be a housewife 都唔知可唔可以當係志願既一種,講出黎笑死人) , 總之, 我份人真係無乜做人目標或志願..
但我唯一興趣就係扮靚,, 上至化粧買衫set頭, 下至修甲擦甲油畫花, 我都好有興趣....
所以係2004年我作出人生另一個稍為重大少少既決定, 就係辭左份工去全職讀美容
原因係當時覺得自己鐘意扮靚, 又好有興趣去了解多D美容化粧既行業, 所以我報讀左一個專業美容師文憑課程, 內容來來去去都係, 人體組織, 骨骼, 皮膚分折, 修眉, 針清, 按摩等... 去讀呢個課程時好開心, 因為可以名正言順唔洗返工, 又可以返學去學我有興趣既野.... 最後, 我都完成左呢個課程, 而且考左兩個專業美容師牌返黎.. 成績都唔錯架.. (我會考都無俾咁多心機去讀書)
讀完呢個課程, 好巧合就有一個朋友搵我去佢間美容院到做事... 前後我只做左三個月, 無可否認做野同學野完全係兩回事, 而且做初級見習美容師人工的確少到嚇人(好彩頭家唔係等住我開飯,如果唔係, 日日要食樹皮!), 所以人工方面對我黎講唔係問題, 問題只係我覺得個間美容院已經無野可以再學.... 所以我選擇離開..
當我又係到諗, 橫掂讀開, 不如再去學多D野 (難得我家人朋友一直既支持).... 順利成章, 我又走左去讀水晶甲 & GEL 甲課程.... 係我辭左美容院份工後, 我又去全職讀甲... 呢個其實係我讀咁多扮靚既野之中覺得最好玩既一個.. 因為我本身好鐘意修甲, 擦甲油,, 畫花,, 但我從來都無去過整水晶甲/GEL甲 (因為出面太貴, 唔捨得去整, 但又無興趣返大陸甲).. 所以到我學完, 識得將自己對手整到好靚好靚既時候.. 我好有滿足感... 而且覺得好抵, 因為唔洗花錢出去俾人整...
不過, 當我學完個晒整甲D課程後, 好似個天整定咁, 我舊公司既阿head打俾我同我講公司個秘書突然辭職, 問我可唔可以返去幫手2 WEEKS.... 對於我呢個無業遊民黎講, 返2個星期寫字樓工既salary 好過返一個月美容院, 我緊係無所謂啦 (再加我阿head不嬲都好錫我, 我又點會托佢手掙) ... 返到公司幫手無耐, 我阿head就問我有冇興趣再返去做, 佢話公司會轉五日工, 叫我諗下.... (五日工!!!係我自出社會做野一直夢寐已求既工, 不過依家好多公司都係五日工,, 五日工萬歲!!!
) 原本我都企硬, 因為我真係想係我既興趣到發展... 點知, 公司又提出左一個我想要但又唔敢request既價俾我,,, 係種種既情況下,,, 我最後都係撰擇返公司..... 
好多人成日同我講, 你去學野唔好抱住靠個樣野去搵錢, 你就會學得開心, 無壓力.. 我諗呢點我真係做到.... (下, 咁即係我一開始就抱住呢個心態,,, 你話死唔死!!)
其實係到都要多謝我DADDY,, 因為佢肯犠牲我一整年無俾家用佢之餘, 有時碌左佢張咭又無俾返錢佢找數... 但佢都無話過我, 又無俾過壓力我,, 由得我自己揀自己既路... 所以無論將來點, 我都會好好咁照顧你到老... 永遠都錫晒你....
其實我今編網誌係想教大家油甲油, 但又講左自己'舊屎' d野... 仲越寫越長篇,,, 有冇人真係有心機去睇晒呢? 有既話留個言呀, 你咁有心, 我想同你講聲多謝呀!!!Anyway, I need to stop here...甲油個編聽日再寫!!!
F
回覆刪除