西柚煙肉減肥餐 - Day 10

西柚煙肉減肥餐 - Day 10

仲有2 日.... 咋 ~~~~

早餐 : 一樣!

呢幾日覺得食呢個餐又唔係咁辛苦... 可能就黎完成任務, 心情特別輕鬆掛?! 但我覺得另一個原因係我有偷食野囉

... 雖然有偷食.. 但今日走去磅重, 奇蹟地輕左.... 無論輕力企上磅or大力企上去, 都係一樣... 總算係呢十日八日係無白費... total 都輕左五至六磅!  今日M到, 我諗之前一直磅都好唔穩定係因為M到個人焗住焗住, 所以唔識落磅掛... 唉, 我都唔知, 總知今日見到有成績... 都總算有D交代... 無令大家白白浪費時間黎睇我個減肥日誌!  終於可以好肯定咁答大家... 呢個餐係WORK 架!!

午餐 :

超級豐富什菜沙律 + 西柚半個

點解你見我地日日都食沙律,, 原因係生菜平時係呢到買好貴架... 但咁啱前幾日買到一D特平生菜, 又新鮮, 又平.. 我一次買左三個.... 每日食半個, 所以餐餐lunch都要食,, 如果唔係就會浪費浪費架啦!!!

今次落重本, 有蝦, 煙三文魚, 火腿, 蛋, 蕃茄, 青瓜, 什菜(2款)  ... 好好味!

由於真係有成績, 令我個減肥決心更加堅決,,, 尋日買返黎既蛋糕我都無再偷食啦.......

我覺得時間過得好快... 眨下眼仲有大約3個weeks 就返HK過年啦... 好開心呀!! 跟住我既大計係會一連串不斷約朋友出去食食食.. 打牌打牌,, shopping shopping...再睇下有冇野學,, 跟住就要返台灣探我媽媽... 希望今年可以再去埋高雄玩....雖然聽落有好多節目.. 但其實的係刻意安排令自己唔好咁掛住大少... 今次我返左香港... 唔知幾時再會過黎倍你... 你要自己好好照顧自己啦...

聽收音機知道聽晚六合彩有大彩池... 即刻MSN我同事同佢夾份買返張lucky 電腦飛先...中左就真係哈...哈...哈... 記得以前返公每逢有大彩池, 就必定同呢位同事夾份買.. 跟住就一齊發住白日夢(係咁講中左要點點點...)咁行返公司繼續捱驢仔.. haaaa 發白日夢永遠係最開心既事.. 因為可以講到天馬行空... 聽日,, 靠晒你啦阿CAT.... 食粥食飯睇聽日啦!!!

Dinner :

燒雞 + 清炒黃芽白 + 芫茜皮蛋排骨豆腐湯

屋企個雪櫃經常常滿, 因為我地一去supermarket 都會大量入貨,, 次次買完野返黎, 大少都要將雪櫃既野搬晒出黎, 再重新整理先夠位擺... 今日, 總算清晒雪櫃大部份既野... 只係剩返一個生菜, 半棵黃芽白, 一pack煙三文魚, 三個橙, 一盒車喱茄等等等等,,, HAAAA... 聽晚應該又要出去入貨啦.. 因為仲有兩日就放監, 大少一定又要我炒個炒飯佢食... (不過我地上隔冰櫃其實仲有一個大pizza, 一包薯條, 一pack雞翼未食喎!)

將隻雞中間一刀切開2件, 加少少SALT, 香草, 黑椒入OVEN焗40MINS....

黃芽白係到算係貴價菜, 一棵成廿蚊港紙架...

天氣冬呀, 加上我period 到好想食熱野, 又滾個芫茜皮蛋湯... (加左排骨係因為大少超愛吃排骨, 加豆腐係因為我鐘意食豆腐, 養顏又有益)

****************************************************************************************

係雜誌發現在一個新發明... 就係呢個自拍好幫手....

我同大少平時都好鐘意玩自拍, 因為無人係附近幫手影... 所以好多時都係大頭相... 想影埋個景就變左有困難... 加上隻手遞咁遠, 好易手震架麻,, 有左呢個好幫手, 應該會好好多...

不過... 確實有係D騎尼,, 買左都唔知敢唔敢用.. 唔通係商場見到個怖置靚, 無啦啦摷支野出黎自拍呀?

實用率係幾高... 但騎呢度仲高!!! 香港都無得賣.. 美國先有...