西柚煙肉減肥餐 - Day 1

Breakfast :

今朝唔知係咪潛意識知無好野食.... 訓到成九點先望下鬧鐘, 跟住拍下大少.... 咦? 無人既.... 原來大少已經煮好個煙肉炒蛋早餐啦.... (Thank you Darling)

Lunch :

燒雞 + 蒜片炒椰菜 + 西柚

食呢個lunch時好唔開心... 其實之前都試過食燒雞當晚餐, 個日明明食得好開心, 好好味.... 但今日唔知點解覺得隻雞好難食... 唔鐘意食... 好想食飯... 飯.... 飯!!!

大少跟呢個餐單跟得好興奮, 因為佢不嬲都鐘意食肉.. 又鐘意食西柚, 開正佢個範!!

只係用Salt & 少少香草作調味... 可能因為咁, 唔夠入味, 所以唔好食..

 

Dinner :

什扒 + 什菜 + 西柚

自LUNCH食得咁唔開心.. 我夜晚醒左.. 煮返D啱自己口味既野... 就係什菜煲... 今日第一日我已經開始對肉有D厭惡.... 所以我煮左好多好多菜, 再加冬菇&瑤柱... 總算食得開心d d ...

大少一個人食晒成碟扒咁濟... 食到佢係咁嗌好飽呀, 好飽呀... 我就唔信日日食扒食到咁飽都可以瘦! (Darling 呀, 我諗我同你既目標真係好唔同,, 我要瘦,, 而你好似淨係想去證明呢個餐work 唔 work)

講返未食飯之前... 係下午五點幾時我已經餓到有D頭暈... 乜都唔食得.. 唯有不斷飲水 & 熨衫黎分散注意... 但真係好難捱.... 救命呀!!! 今日先第一日咋....

大少煎左牛排, 羊排... 睇見佢食得咁開心... 都好既...

食完飯, 我地就去supermarket為聽日既午、晚作準備..... 買左好多好多菜 & 海鮮.... 希望聽日會食得開心D啦....  依家係杜拜半夜十二點十二分... 我又感覺肚餓

注意事項 : 因為呢個餐係戎澱粉戎糖... 我諗對於一D血糖低會暈會頭痛既人, 要注意一下... 因為大少今晚就係勁頭痛... 唔知係咪因為咁... 如果再係咁. 我都要終止佢再繼續參與!