新寵兒!!!

因為之前係咁整New York Cheese Cake 都失敗, 激鬼氣唔再做住, 改整呢個我最有把握既牛油cookies!!!

係我做個時, 大少都好有興趣走黎睇我點整, 佢一邊睇, 一邊係到講 " 嘩, 乜要咁多牛油, 咁多糖架?  平時唔覺唔覺, 咪食左好多牛油同糖落肚, 唔肥就假啦!!!"  係, 無錯, 其實做每一樣甜品都係需要好多牛油&糖, 呢兩樣簡直係整甜品既必需品, 少dd都唔係咁好... 就係因為佢咁講, 我就係落少左牛油, 攪到d cookies 無咁鬆化, 大少仲問我, 點解唔似藍罐個咁鬆化既?  大少呀!! 你又話牛油太多, 糖太多, 我減少左牛油,咁緊係無咁鬆化啦...你轉個頭又嫌d餅唔夠鬆,, 你要健康定要口感好呢?  有時做人就係咁無寧兩可..

D材料啱啱好, 一盤焗得晒!

原本買左個唧袋, 但個咀唔夠大, 唧唔到, 最後都係用手去搓個餅型出黎.. 我同大少兩個係咁搓黎搓去, 我估都係得我地兩個先敢食...heeeee

呢個係我親手唧既Andy, 仲加多一隻我親手搓既小豬豬!

*******************************************************************************************

講開世事無完美, 就好似尋日大少買左部新相機送俾我, 初初我地揀既時候, 都考慮好多野, 又想要有大mon, 又想要有6倍光學變焦, 又要28mm廣角鏡, 又要ISO有1600,, 又要有防手震,  但又想要部機又靚仔又細部.. 世事邊有咁完美!!!  搵到部12倍光學變焦, 個樣又OK得, 但只得六百萬象兼ISO400, 又無廣角; 見到一部有ISO1600, 六倍光學變焦, 一千萬象, 但個樣衰到無論, 買完都驚唔想攞出黎用!  有一個又有廣角, 又有ISO1250, 又有700萬象, 但貪心既我, 又唔甘心只得2.5寸mon!!! 呢兩日我地都不斷睇相機, 大少更好有心上網係咁睇唔同相機既性能, 資料, 幫我做左最後既比較...   

最後, 我地最終就揀左 Lumix FX50, 3寸mon對我黎講真係覺得好大好大, 影完相既時候會好興奮, 因為我之前用既Ninko得2寸MON到.... 依家多左成寸,所以好似大鄉里出省咁,, 好興奮!!!   我夜晚同大少一路影, 一路讚嘆科技既進步,, 而且用得好鬼開心.... 同時間, 原本大少個部個mon都唔細,, 但compare with 呢部新寵兒後, 大少即刻都不得不承認, '依家睇落, 我個部個mon原來都係咁細架?' 

科技日新月異, 邊追得咁多, 我舊個部相機都買左兩三年, 事隔兩三年, 相機既構造已經有大大既變化, 越黎越人工智能, 去配合人既需要... 但相反睇返自己,, 兩三年前既我同今時今日既我,, 變化就好似唔係太大!! 世界不斷進步, 而我就好似夢遊咁唔知做過d乜咁!!

今年,, 我一定要做好少少,, 唔好再浪費自己既青春同時間!

重有呀!!!!  多謝大少,,, I Love YOU!

有新相機, 緊係乜都影下啦... 真係好清呀!!

尋日係宜家買左兩塊枱墊, 以後影相希望會靚D....

又係焗, 焗龍脷柳, 焗薯.....