以前返寫字樓工, 放工除左行街睇戲食飯外, 都無乜特別野做....
返到屋企除左上網外, 唯一娛樂就係"玩手指"
未學整水晶甲及GEL甲之前, 我好鐘意擦指甲油... 跟住係上面畫花, 設計唔到pattern, 貼花花等, 屋企D甲油過百枝....
公司同事或朋友見到我D指甲都會話 ... "嘩, 又有新款呀?"... "你真係好得閒呀".... "好靚呀, 你整呢D野真係好有天份" etc... 雖然我知有D人可能覺得我好無聊.. 成日'side'時間整呢D...但呢個係我既興趣,, 我都無法..
到我真係學左水晶甲及GEL甲之後, 我鐘意 "玩手指" 既程度就更加瘋狂.....
整一對手, 由於自己左手幫右手整, 右手幫左手整, 又要磨甲, 又要整型, 又要畫花等... 每次都花得我四五個鐘先攪掂一對手.... 但我依然樂在其中! 甚至有時整到D指甲俾我磨到好薄, 薄到可以反甲咁濟... 我都要整 (因為太鐘意, 整開唔整對手會唔靚, 所以我死都要整!!!!!!!! (都唔係既, 我都係有神經, 有感覺既人, 有時太痛, 都不得不放棄!!)
我要澄清一點, 其實整甲係唔會痛, 而且亦都唔會太傷甲, 大家放心,, 只係我成日都換款, 又懶去御左舊個D先整新, 成日都用暴力去將舊既假甲扯走, 所以我對手係特別傷
我間房只有小小一百呎唔夠既空間入面, 已經有齊晒所有做甲工具, 用料, 枱橙, 電轉等.... (唔知既人以為我係開門做生意) 所以玩甲對我黎講, 係生命中不能缺少既一項娛樂!
但過左黎杜拜之後..............
我無辦法再玩呢個玩意... 而且亦搵唔到呢到有得做... 我好掛住我以前對 "小姐手", 過左黎後只得返一對 "C奶手"
係我第一次過黎長住時, 我有諗過,, 就算帶唔到做甲既所有工具過黎, 我諗杜拜呢邊D阿太咁有錢, 出面都應該有得做甲掛... 所以我連一枝指甲油都無帶,, 就過左黎... 過左黎先知... 想係到買枝靚D既甲油都難.. 何況整甲?!
上年十二月返過香港後, 我唔再咁蠢,, 雖然依然無法將做甲既工具攞過黎... 但我就帶左幾枝我係日本新買既甲油過黎.... 我同自己講, 我唔容許自己再留住呢對C奶手... 我要開始修返甲, 擦返甲油.... (過左黎已經放棄左我心愛既化粧品 (因為化左都無人睇)... 我唔可以連指甲都放棄)
*******************************************************************************************
好啦.. 又太多廢話... 開始講下擦甲既既秘決.......
首先, 一對靚既手除左要揀一枝靚既甲油顏色外, 其次係你對手本身既甲型&長度!
今次我分享既呢個油甲油方法係適合指甲本身較長,, 至少有四份一既甲係長左出黎... 亦都係適合方型甲多D... (腳甲都啱擦架,, 都好靚架)
首先, 揀一枝透明或肉色既甲油做底色, 再準備一枝閃粉底系列既甲油...
我建議基本上擦任何甲油, 都要擦一層Base Coat係底, 一來可以防止甲油顏色食左入真甲, 二來依家好多base coat都有堅固及防黃配方, 都唔錯架!
閃粉系列既甲油, 市面上- 沙沙/卓悅/DHC 等都有好多唔同較平既牌字.... 但我會較建議大家去買PN既閃底甲油.. 香港好似賣HK80一枝, 但成日都斷貨,, 係日本買就六十幾蚊... 但唔知依家個rate係點...
因為PN既閃底系列擦出黎既效果係好自然, 好靚, 而且D顏色好持久, 唔會洗多幾次碗就退.. 同埋如果用nail polish remover 洗又好易洗得甩D閃片,,, 但相反出面好多平貨閃底系列擦左上去, 想抺走D閃片時就好難洗甩... 要用指甲刮先刮得甩,, 比較傷甲及s'ide' 時間...
首先修完你鐘意既甲型後, 擦上一層Base coat, 待乾後再擦多一次 (因為我今次係用透明底, 所以我擦兩次令指甲睇起黎更厚身& 平滑D..)
待完全乾透後, 再用閃底擦甲既中段至前端 (
記得每次都要等甲油完全乾透先擦第二層... 因為如果第一層都未乾晒就擦第二層... 咁第二層就會仲難乾... 當時間越長, 但甲油都未乾透的話,, 失敗既機會會好高... 因為你會開始無耐性再等佢乾, 繼而攪其他野.. 咁樣甲油就好易花... 到時又要由頭擦過仲麻煩!)
呢隻係我用蝦肉色底黎襯閃粉..
呢種咁既配搭係水晶甲/GEL甲最常見既做法.... 效果閃令令... 好elegant, 啱晒鐘意簡單又帶有少少花巧既朋友.... 希望你地會鐘意啦! 
沒有留言:
張貼留言