西柚煙肉減肥餐 - Day 5

西柚煙肉減肥餐 - Day 5

Breakfast 變左 Lunch :

由於今日放假, 我地唔洗一早起身,,, 但我好過份咁訓到十二點先起身... 仲要大少煮埋早餐我吃!

又係個味, 炒蛋2隻 + 煙肉2片 + 西柚半個

到左下午三, 四點, 我地出去MALL 到行街, 順便食埋個 Lunch .. 其實呢個時間應該係 TEA TIME囉

Tea Time :

Garden Salad + Fire Chicken 2 pcs + 西柚汁半杯

係Burger King 買左個 King Garden Salad.... 我無落到個D麪包糠... 但粟米咋唔知照食囉..

西柚汁... 大少話親眼望住佢用左1 個半西柚榨出黎, 無落糖喎... 咁都飲得放心D..

另外再買左炸雞食... 我都係鐘意食香港麥記D炸雞翼多D....

食完去左家樂福... 又狂買好多菜返屋企.... 又有大蝦... 但都挑唔起我平時好開心係到諗煮乜餸個條筋....

原來... 無左飯, 好多餸都唔想煮...

今日係MALL到見到有間餐廳附設外賣雪糕.. D雪糕睇落超好味... 你揀左味之後, 佢會拔左你要個隻雪糕味係張雲石枱上, 再叫你揀你想要既配料, e.g. nuts, 碎曲奇, 朱古力豆 etc... 跟住佢會用兩塊類似鐵片既物體, 將你所揀既配料同埋雪糕, 前後左右咁用兩塊鐵片mix個堆雪糕,,, 以達致成個雪糕球都有你揀既配料...呢樣都未夠吸引.... 最吸引我既係.. 佢裝雪糕個筒,, 唔止係單單威化餅,, 仲有成個都由朱古力做既筒, 有朱古力加NUTS既筒, 有沾滿彩糖既筒... 總之好多選攞... 我睇到雙眼發光!!! 大少係咁叫我買黎食..雖然我個心都好想...但我又唔想咁快放棄... 所以最後我都堅持無食... 到我下次食, 我一定會影低俾大家睇下!!!

Dinner :

今日無mood再係屋企食菜食肉..我成日見d blog友話打便爐... 攪到我都好想... 大少話呢到都有一間唐人開既餐廳係for 打便爐... 所以今晚東主有喜... 休業一天, 唔洗煮飯!!!

我初初以為係餐廳附設打便爐, 原來佢真係名正言順開左一間火煱店... 叫做'乾'州火煱.. 我諗佢個意思係, 係一個無水乾涸既州(杜拜)上打便爐掛!

是日配料有 :

肥牛, 羊肉, 粉絲, 波菜, 魚蛋, 金菇菜, 水餃, 豆腐

最攪笑個湯底.. 我地叫左

海鮮鍋.. 但原來只有2舊蟹肉加多3片疆.. 就係所謂既海鮮鍋!!

薄過腳皮既羊肉, 唔用撈喱撈住都好易搵唔返.... 無魚蛋味既魚蛋!

好彩d水餃唔好食... 因為我食左一隻先醒起, 水餃皮係澱粉質喎! 跟住再食多兩隻都無食到皮架!

唔知邊個地方出產既金菇菜呢??  香港人,,, 你地真係好幸福呀!!

雖然呢餐係就係食得騎呢d... 但我地真係好掛住打便爐... 仲記得十二月我地去食豬骨煲... 好味到暈..

黎到呢到, 只可以將就下啦.... 今日都算食得開心... 因為呢種打便爐FEEL好好呀...

返到屋企仲食埋個半個西柚!  完成今日既使命!!!