今日繼續減食,, 唔知係咪個人無乜運動, 真係好似好易累咁... 我呢兩日都有訓晏覺, 今日仲離譜, 我由今朝八點煮好早餐後, 大約十點就走去訓到十二點; 食LUNCH時已經無胃口, 食完個晏, 大約兩點半又訓到黃昏六點先起身,,, 個人訓極都好累!!! 唔知係我唔舒服定係真係個人既機能越黎越差呢??? 所以更加要減肥..
BREAKFAST
睇下, 早餐真係減少左好多呀, 連碟都要轉細碟呀!!!
黑豬見個天咁好陽光, 嘈住話要晒太陽喎!!
我想再晒黑D, 再晒黑D ~~~
小pizza + 焗薯 (大少話d薯條擺得咁零碎, 好似一路整一路俾人偷食咁! 我無呀, 只係唔放薯條好似齋得濟, 放多又唔付合減肥守則,, 所以咪放少少囉)
我剩係飲左碗湯 & 食左一件小pizza咋! 
今日我唔舒服, 晚餐由大少負責,, 想煎蛋角, 但個樣就唔係好似囉... 因為用平底獲, 煎唔到圓蛋形....
我已經煲少左飯啦,, 大家食完都唔係太飽,, 太少又投訴唔夠喉, 想再煎多件蛋角食 (因為其實仲有材料剩, 但我唔俾佢煎咁多... 減肥呀!!!!)
我最肥o個陣呀, 一日玩一個鍾呼拉圈架, 一邊睇電視一邊玩, 真係唔覺唔覺
回覆刪除不過好似話其實唔好一次玩咁耐 (如果你個圈好硬)
但我覺得對條腰o既肥膏真係好有效~
Candy, 曾幾何時, 我十幾歲時都試過玩呼拉圈減肥, 又係一玩玩成個鐘, 一邊睇電視一邊玩,, 但係仲要配合埋節食先有效喎... 就咁玩呼拉圈, 功效都有咩? 我玩十五分鐘都想死... 仲要玩一個鐘,, 點解我唔可以好似以前咁積極呀!!!!!
回覆刪除你好呀!!! 我係Amy個blog度見到你個名, 我好鍾意你個幸福小女人個名呀 !! 事關我都好想做一個幸福既女人 , 我睇晒你成個blog啦, 我都幾佩服你肯為愛情而無條件去付出, 最重要就係你和你男友都搵到自己既真愛, 祝你2007年減肥成功 !!! 唔知我可唔可以同你做個朋友呢 ???
回覆刪除士蕉拔拔, 你好呀!!!! 好開心你咁有心睇晒我個BLOG,, 亦都好多謝你稱讚我個名... haaaaaa 我當然十分歡迎同你做個朋友啦, 只要係真心, 唔係想傷害對方既人, 我都願意同佢做朋友架... 我見你同BLOG寫你都係好鐘意整miniature, 點解唔post d作品上去呀?? 等我欣賞下麻... 你係咪都有係Amy到學整Miniature 架? 我好想整呀, 但呢邊無得學呀!!!
回覆刪除幸福小女人~~我好開心可以同你做到朋友呀 !!! 其實我都係學緊miniature咋, 邊度會有自己既作品呀 !!! 我未跟過Amy學野架, 不過我相信好快會有呢個機會.....
回覆刪除