年年廿二歲!!!

聽日就係我既大壽,, 呢幾年生日都會去旅行, 唔會留係香港過... 今年都係(一樣唔係香港過),, 不過只係留係杜拜....

大少好忙... 我無期望過佢會點樣同我去邊到慶祝... 可能只係好平淡咁係屋企煮餐飯食!  同左大少一齊後, 覺得日日都好似情人節, 好似生日咁... 因為我地實在好享受每一日相處既時刻,, 甚少嗌交, 成日都係糖痴豆咁一齊煮飯, 一齊去supermarket買野, 一齊去行街.... 可能因為呢邊唔似香港咁, 有好多朋友倍, 有好多唔同節目玩, 所以眼裡只有我同佢..... 咁既生活是好是壞, 好難去判斷?!   起碼, 呢一刻我係enjoy 既... 反而有時都會驚將來大家返去香港做野時, 再唔似依家咁恩愛..  一段關係能否長久, 無人可以預測, 只有時間去證明一切... 

有時好期待想快D返香港, 過返正常既生活, 大家有自己既事業, 平日約出去行街睇戲食飯... 六日同家人飲茶或者同朋友gathering... 到時, 我地既感情係咪可以如常咁好, 完全無問題呢?  好想快D去到呢一刻, 去證實我地既感情,, 其實我係一個好害怕面對環境既轉變既人,, 所以到時你要再俾多D愛心我呀!!!

Dar,,

Love me forever, ok?

yr Hon.