開心的一天!

今日粒菲滋好似稍有好轉.. 好開心呀

.... 不過我要多加休息.... 所以我訓到十二點半先起身...

原來咁晏... 又要準備lunch俾大少食, 但時間太趕, 唔夠時間將D雞肉溶雪,, 又訓到懵下懵下... 求其係雪櫃攞左個Pizza焗俾佢食算啦... 雖然我唔食得, 但最多咪食淨個D聽日再返焗囉...

呢個PIzza 係家樂福買架... 係三文魚&蝦蝦料... made in France (尤妮斯, 你可以買黎試下, 大少話味道不錯喎!)

 

焗前既樣... 再加幾條薯條, 無咁齋!                                           焗完出黎, 賣相還可... 再加多杯冰凍可樂..

諗住食唔晒, 點知大少一個人揸住成個食, 食食食.. 就食晒喎

好多謝

Me & 尤妮斯話我知要食多D維他命B既食物... 我睇過你俾我既資料,, 多數食穀物都可以吸收到Vit. B 架.. 所以我食左一碗全麥片當lunch!

順便減肥... 唉!

夜晚等大少放公, 我終於肯出山... 閉關左咁耐... 今日仲會休業一天唔煮飯, 出街食添...

揀左好耐,, 又唔想食飯, 又唔可以食炸雞, 又唔想食義粉... 最後我揀左Hardees 既磨菇牛肉Hamburger.. D薯條無食到呀,, 我真係好乖咁戎口!!

大少就食呢個Lamb Kebab, 我自釋做"燒羊條飯"... 呢到好興呢種飯.. 唔知係屬於黎巴聯菜定係印度菜?

小插曲一段 :

話說啱啱開始食無耐, 突然聽到一把廣東話講 : 你地慢慢食啦... 

我地抬頭一望, 原來係大少D同事... 同事J同我講 : 嘩, 你雙眼咁腫, 咁紅既...

跟住大少話: 係呀, 佢病左成個禮拜...

同事D又講: 係啦, 我都聽ANDY講你病.. 無乜事呀.... #$%!@#%%...跟住寒喧左兩句 (我個心就諗, 死啦, 俾人見到我個殘樣添...)

最後有個同事E又走出黎望住我 : 你,,, 你仲乜... (我個心已經諗佢係咪又想話我對眼仲乜咁大個黑眼圈).. 你仲乜瘦左咁多架,,, 嘩... 真係喎,, 點解架.. 成塊面"粒"晒喎$%@$$#@!.....

大少最後幫我打完場 : 係呀, 佢減肥麻, 又病... 你咁講佢會好開心架...

haaaaaaaaaaaaaaaaaaaaaaaaa,,我真係好開心呀!!!!!  無諗過會有人發現到我瘦左,, heeeeeee (跟住成個人飄飄然左成晚..laaa laaa... laa... )

蒜香魚柳磨菇煮麪條

首先, 我要係到多謝每一位時常伴我左右既Blog 友,, 因為你地... 令我一個人身處外地都唔會覺得孤單... 如果唔係過左黎杜拜呢邊, 我都未必有機會去建立Yahoo Blog... 無諗過係到都可以識到一班來自唔同地方朋友..大家互相分享所見所聞... 雖然大家素未謀面.. 但心靈上卻互相連繫著... 係我唔舒服既呢幾日, 更加體會到大家既關懷... 呢樣野真係感到好感動... 我相信人既本性係充滿愛.. 我會好好珍惜同大家既綠份.. 希望以後我地可以繼續彼此互相鼓勵, 互相睇住大家成長啦.. (好似好肉麻咁.. 但係呢D係我既真心話... )

*****************************************************************************************

呢幾日同菲滋摶鬥.. 攪到我無晒胃口不特止, 連心情都欠奉... 大少連繼續幾日叫我出去行下街, 去supermarket買下餸, 我都唔肯去... 唔知點解, 唔想落街

前日叫大少去屋企附近買阿拉伯烤包... 呢隻烤包有D似印度烤包..但食落口就完全兩回事... 前者基本上係一塊麪包, 後者係有少少似薄餅,, 比較油...

呢種阿拉伯烤包好抵食, 一大塊只係0.75DHS, 相等HK$2到... 即叫即整,, 熱辣辣買返黎又香又軟熟... 加擦埋牛油, 無得頂! 係我咁唔想食熱野既時候, 呢個包係我其中一樣想食既野....

除左烤包, 我自己整左碟沙律食, 又煮左碟意粉俾大少食 (呢個義粉好好味,, recipe係下面...)

 
 

尋晚做整左菜飯, 雲耳冬菇炆雞, 蒜片炒菜.... 整菜飯係想增加自己食慾... 但最後食到一半都無心機再食... 太痛啦!!

以下呢個義粉係我自己隨意煮出黎, 無睇任何recipe, 只係用屋企剩餘物資再加我隨意既配答煮出黎... 我只係煮左大少既份量,, 但出黎效果異常好味... 後悔無煮多D自己又食... anyway,, 想同大家分享下, 有興趣可以試下!

我改個名為 "蒜香魚柳磨菇煮麪條"

之前買左呢隻新既麪條.. 比一般義粉較闊&扁身... 食落較有彈性

材料 : (一人份量)

Tagliatelle 麪條 ................  四至五個

龍俐柳 .............................  一塊 (約腳板咁長)

洋蔥 ...............................  半個 (切條備用)

磨菇 ..............................  四至五粒 (切片備用)

蒜頭 .............................  六至七粒 (切超細粒, 但又未去到蓉)

醃料 for 龍俐柳 :

將龍俐柳切片, 醃半小時備用

生抽 ........  約3 湯匙; 麻油 .......... 少許; 黑糊椒粉 ........ 少許; 糖 ........ 少許 ; 紹興酒 .....少許

調味料:

鹽 ........... 1茶匙; 美極鼓油 .............. 三四滴; 牛油 ............. 一小片

做法 :

1) 先煲滾熱水加少許油&鹽中火煮熟麪條 (約七分鐘), 自己試下咬落去唔太硬便可熄火焗兩分鐘, 再放進筲基用凍水沖洗後備用 (用凍水沖洗係令麪條降溫以致唔會再變淋)

2) 開獲落油待滾, 用蒜頭爆香獲再放入魚柳(連腌料汁), 用大火略煎至金黃再收細火慢煎, 同時倒入洋蔥及磨菇略炒... 加少少水後蓋上蓋待洋蔥煮淋...(約3-4分鐘)

3) 將麪條回獲炒. 同時加入調味料 (牛油都係呢個時候加入) 略炒至撈勻, 開生粉水埋獻汁, 試味後, 即可上碟!

UAE win Gulf Cup

By M. Satya Narayan, Staff Reporter (30 Jan 2007)

Abu Dhabi: Hosts UAE won their first Gulf Cup when they beat neighbours Oman 1-0 in a high voltage final at the Zayed Sports City on Tuesday night.

白袍男人 VS 黑袍女人

(information copy from Gulfnews.com)

前日開始, 已經覺得好唔尋常!  星期六晚係Dubai 揸車返Abu Dhabi , 係高速公路上, 越接近Abu Dhabi, 發越好多好多車都不斷打"死火燈".... 大少仲話 "嘩, 咩事呀,,, 咁夜都咁多車.... 前面發生咩事呀? 仲乜打晒死火燈架?"

當我地都好小心翼翼咁留意路面情況... 又發覺其實公路又唔係塞到需要打晒死火燈喎?! (呢條路平時揸車係每架車都會開到170咪以上... 快到不得了) 但最奇怪既係... 車一樣開得咁順, 一樣咁得咁快,, 但又打死火燈... 大少同我都"R"晒頭, 究竟仲乜呀???

我仲問大少,, 其實死火燈係咪有第二個意思呀? 我地GET唔到呀?  一直由高速公路返家途中都不斷有車打死火燈... 大少都估到一定係UAE又有大事發生...

基本上, 呢到D人雖然對某D 野係好保守... 但對於表達自己既情感, 佢地就真係好直接.... 好似之前十二月國慶... 佢地就不斷係繁忙既大馬路上慢駛, 大呼大叫,, 係到發洩自己既興奮, 一D都唔會理會其實係阻住好多其他車... 佢地又會好唔理安全咁爬上車上訓係到揸住枝國旗 (但架車依家係正常速度行駛中!) 又或者好似除夕個日,, 佢地見到煙花盛放時, 又會話知你係條大街定馬路, 話停就停咁停左架車去欣賞煙花.... 完完全全我鐘意點就點,,, 開心咪得... (我相信佢地係無惡意.. 只係好單一咁想做自己想做既事)

尋晚晚餐時份, 不斷聽到有好多車係出面響按,, 呢種響按唔似平時揸車warn人個隻響法.. 而係好有節湊咁不斷 "呠... 呠... 呠... 呠呠呠呠.... 呠......" 好多車不約而同咁做.. 我地食完飯, 推開個窗探出望又望唔到發生咩事... 只係不斷聽到響按,, 偶然有放炮聲... 我係咁問大少.. 究竟做乜, 我好有興趣知呀!!!  大少話不如揸車出去睇下乜事!  我即刻收起好奇心話: 咪攪! 肯定塞車又塞到暈(因為經驗所得, 佢地實又慢駛歡呼!)

最後我頂唔住頸.. 上網周圍search關於DUBAI NEWS... 最後俾我發現原來....... Abu Dhabi 贏左呢個Gulf Cup... 打敗左鄰國Oman 1-0... 怪唔之得咁鬼開心啦...

對於我黎講, 真係半點都無因為佢地咁開心而開心.. 只係覺得好煩厭... 夜晚晚嘈喧巴閉! 可能我身處香港太耐... 香港係一個法治之區, 咩都講人權, 講紀律.... 你試想下如果中國贏波而有人半夜係到響按咆哮,,,,,你估有冇人會投訴你? 我都唔知.... 但我想係呢到投訴絶對唔會有人啋你!

超級霹靂無敵大菲滋 (摶鬥中)

我既超級霹靂無敵大菲滋依然仲係到同我糾纏不清.. 攪到我偏桃線又腫埋, 食又食唔好, 訓又訓唔好... 日日要用鹽水溂口, 仲要飲鹽水,, 成世人最憎飲鹽水, 平時生普通菲滋, 痛死都唔會屈服係鹽水手下... 但今時今日既我, 竟然幾次開口叫大少幫我沖鹽水( 我討厭鹽水討厭到連沖都唔想沖.....

)

我記得係一月二十五日, 係我個減肥餐進行到第十一日時開始生呢粒大菲滋,, 如今已是一月三十一日, 足足七日,,  我依然未好返... 稍有一丁點好轉就停步, 無繼續recover....我經已完完全全咁對呢粒菲滋投晒降....

你究竟想我點? 我連十二月係香港睇醫生剩低包消炎藥都剿返出黎食... 點解你仲咁硬頸唔肯自己摺埋彈開?

今日仲離譜... 好似廷伸到喉嚨都痛埋...

大少話如果再唔好, 要我自已先返香港睇醫生呀... 我死都唔制.. 我要你同我一齊坐飛機,, 一齊返香港過肥年呀!!!

所以我一定要快快快快快咁好返... 唔可以再俾呢粒衰野影響我正常生活呀!!!!!!

大家救救我.. 有冇咩絕招可以治掂我呢粒

千年大菲滋呀???

雖然已經放監唔洗再食減肥餐... 但呢幾日都無謂口食野... 我食完個減肥餐一樣都係繼續食沙律 (因為菲滋生係喉嚨位, 每次吞熱野都會痛到想死... 所以迫住要繼續食凍野 or 易吞d既野...) 屋企雪櫃入面個三文魚大蝦pizza...幾時先可以焗左你黎食呀??

沙律配南瓜湯.... 諗住對自己好d.. 煲多罐南瓜湯飲下, 點知飲左兩啖真係頂唔順... 好痛呀 ~~~ 放棄左!

涼拌青瓜... 凍食.. 尚可接受!

XO醬荷蘭豆炒雞柳 --- 係整俾大少食.. 我唔食得好野姐, 但佢係無辜架...

勁多瑤柱既瑤柱白粥! 

待繼...(下一篇講埋個dinner & 有recipe 提供!)

真實年齡 VS 真實記憶年齡

今日收到一個email, attach 左呢條link 俾我玩,, 我覺得幾得意.... 想同大家一齊分享!

呢個test其實係想test下大家既記憶力究竟真實係去到邊個年紀....

e.g. 假設你係40歲, 但結果出黎佢話你既記憶年紀其實係20歲, 咁就恭喜你... 代表你既記憶力無隨住你既年紀一樣變老....

但如果你輸入年齡係20歲, 但玩完個結果係30歲,,, 咁即係代表你既記憶力比真實年齡老, 開始有D未老先衰...

anyway, just for fun....有興趣可以試下!

先輸入實際年齡
321後記住圈圈裡面的數字
消失的時候再依照數字

由小到大去按

準備好未? Let's go!

祝你好運!

 

Dubai - Jumeirah Beach

呢排dubai天氣都唔錯, 大少一早已經plan左放假出去Dubai沙灘行下睇日落..... 我地四點就去到沙灘到... 呢個沙灘位於Jumeirah Beach Road, 隔離就係帆船酒店... 所以除左行沙灘之外, 睇景都唔錯架!

紅色圈住個到就係我地去既沙灘... 對住個波斯灣.. D水都幾清架!

杜拜d沙係十分之幼... 尤其係沙漠個d... 訓左落去, 舒服到唔想起身, 一d都唔'吉'肉...

晏晝時份個太陽仲係好猛,, 但個天就藍到不得了, 一舊雲都無 (其實我鐘意有白雲既天多D)

我地就係咁不斷影相, 玩沙... 行沙灘.... 睇住個太陽由好猛烈一直慢慢收至變蛋黃色..個天色亦跟住轉變...

玩到六點幾, 睇住個天由好靚既黃昏景, 一直變黑... 氣溫都漸漸變凍.... 係時候走啦....

呢種咁既生活,, 好舒服呀~~~ 如果將來返到香港, 我諗都好難可以搵到一個咁少人, 個景又靚既沙灘行...

Darling, 我永遠都會記得呢一日既快樂時光!

(Remarks : 如果有興趣睇清楚d 相, 可以去相薄到欣賞... Thanks! )

Marble Slab - Creamery

之前講過係Mall到見到有一間雪糕店, 個到D雪糕筒有好多款, 好似好好味咁... 前日我同大少就去左試食... 今次名正言順俾錢幫襯, 緊係影返夠本啦!

 

間雪糕店叫做 :Marble Slab . Creamery


  

除左不同雪糕筒可選擇外, 

 

職員會按照你個人喜好, 將你所選擇既配料混入雪糕當中, 再用兩枝雪糕拔將雪糕&配料mix埋

有興趣可以睇下個製作過程...

 

我地揀左左邊數過去第四個款 - Heath

 

我地揀左Peanut Butter Ice Cream 加Nestle Crunch;  賣相唔太靚... 味道原本唔錯, 但俾配料&雪糕筒既朱古力蓋過左Peanut Butter 既味道.... 最後食晒D雪糕, 我地都掉左個cone無乜食到... (大少話個cone林林地, 唔好食!)

之前一直好期待去試呢間雪糕店, 就係俾佢既cone吸引住.... 一心抱住一定好好味既心態去食... 點知又係空歡喜一場... 雖然無期待般咁好味... 但呢個雪糕製作過程都幾特別.. 算係見識下囉!  又一證明 : 睇野唔好睇外表呀,, 小朋友! 

西柚煙肉減肥餐 - Day 11 & 12

西柚煙肉減肥餐 - Day 11 & 12

呢個西柚煙肉減肥餐終於完滿結束啦!!! 前兩日開始生左粒大菲滋, 痛到我連吞口水都困難..所以臨尾呢兩日都無完全跟足食法..... 不過overall都有成績,, 我已經心滿已足!!!

第11 日已經痛到連早餐都無胃口食, LUNCH都係由大少煮左少少野俾我落下肚咋! (點解咁嚴重?! 因為我粒菲滋超大粒, 而且生係喉嚨位, 連隨扁桃線都又腫又痛, 前日出街行一陣, 又凍親! 真係一不黎二, 二不黎三... 啋啋啋!!!)

基本上無胃口時, 食乜都無味,,, 大少好細心將D西蘭花切細細粒等我容易吞.... 無食西柚, 驚'那'到粒菲滋..

晚餐大少煮左一D日本麪食.... 好耐無食呢D野...但我粒菲滋令我無晒味覺... 所以浪費左大少一番心機

夜晚仲要肚疴, 攪到好似無食過野咁!

Day 12

經過兩日既不斷休息... 今日稍有好轉,, 但係我既扁桃線依然好痛.... 

早餐食左煙肉炒蛋 + 西柚半個

lunch 求其整左個沙律 + 西柚半個...

心情受菲滋影響.. 做乜都提唔起勁!

夜晚去左Mall到行街,,, 因為呢邊仲係Shopping Festival既關係, 好多地方都大減價.. 趁機去BALLY買左一條皮帶俾我親愛既爸爸.... 然後去左一間餐廳到食飯

大少就係俾呢到既HAMBURGER吸引住.....

佢已經忍唔住, 係第十二日偷步食左澱粉質先啦!!!!

呢個Humburger 名叫做"The Work" , 內有Beef Bacon, Mushroom, Beef... 份量重半磅!

我就order 左大蝦沙律... D蝦真係好好味!!!  (我都偷咬左兩啖麪包)

最後講下我食呢個餐既心聲:

其實呢個餐最難捱係頭五六日, 因為無飯無麪無包食,, 都幾頭痛,,, 日日食扒食肉都食到厭!  好好彩今次有大少倍住我減, 因為佢係過程中都不斷諗新野去整黎食... 同埋兩個人一齊做, 無一個人咁慘.. 起碼無咁大引誘先.... 不過食耐左又覺得個餐幾好... 因為個人真係無咁漲, 而且每餐都唔會有飽到想死既將況出現, 係七分飽個種感覺係最正!  Total減左五磅, 唔算多...但好過無啦.. 依家胃口細左, 希望可以keep住啦... 我地計劃臨返香港前十二日會再食多一次... 跟住就返香港大吃大喝!!  YEAH!!!!